A Pahnih in Ropi zetih sak mi veve an si. Biakinn ṭhaṭha kan sak ih mawi em em in kan cei. Kan taksa khal Pathian ih hmuihmel vek ih sersiam mi kan si vek in a mawi thei bik in kan thuamawk ih kan ceiawk. Hi mi Biakinn Pahnih hi Ropi zetih duan le sakmi an si nan, "PI" em em na cing in a “RO” riap riap thei ti kan theih a poi mawh.
BIAKINN mawi em em in a "PI" zet thei nan a sungah khawmtu umlo in a “RO” riap riap thei. Kan TAKSA khal mawi em me in kan ceiawk ih mi in "PI" le zahtlak zetin in hmu thei nan kan sungril ah “RO” riapri ten mah te beidawng zetin kan um pang thei. Kan Taksa hrang nitin rawl kan ei vek in, Kan thlarau hrang nitin Pathian thu siar ih cencilh kan tul.
Solomon Temple cu “ROPI” zet hman seh Bawipa tello cun a kangsiat ṭheh a si kha. Milian le mifim hmingthang Solomon Siangphahrang hman kha “ROPI” zet hman seh Bawipa tel lo cun hlimnak le nuamnak ngaingai a hmu lo. Nitin in bawipa kan tul ih, a thu sungah nung ringring kan tul.