𝐇𝐑𝐈𝐀𝐋 𝐃𝐈𝐍𝐆𝐌𝐈 𝐅𝐀𝐑𝐀𝐒𝐈 𝐍𝐔𝐍

🔖 𝐌𝐀𝐓𝐓𝐇𝐀𝐈 𝟔:𝟓

"Thla nan cam tikah mititeraw pawl vekin cam hlah uh. Annih cun mi hmuahhmuah in in hmu hai seh tiin sinakok le zalampi ah ding tahratin thlacam an duh ngaingai. Fiangtein ka lo sim: an ngah dingmi an ṭhatman cu an ngah ṭheh zo."

🔖 𝐌𝐀𝐓𝐓𝐇𝐀𝐈 𝟐𝟑:𝟔-𝟕; 𝐋𝐔𝐊𝐄 𝟏𝟏:𝟒𝟐-𝟒𝟑
[6] Puai tuahnak hmun le sinakok ah a ṭhat biknak hmun le upatnak hmun ah to an duh.
[7] Dawr tluan mipi hmun ah mi ih upat pek an duh ih, ‘Sayapa, Sayapa,’ tiih kawh an duh.

Farasi pawl hi Moses Dan (613) thlun famkim thluhtu an si. 1/10 pe fel fekfek an si. Zarhkhat ah voihnih rawlul an si. Cun "Rabbi" ti ih kawh an duh. Sau ngaingai ih thlacam uar emem an si. An tuah mi a ṭha zet nan, Jesu in a dem hai thotho.

Ziang tinkim kan tuah kan ṭuanmi hi Bawipa sunloihnak a silo ih, kanmah sunloihnak ih kan hman veten Farasi thawn danglamnak kan neilo timi hi zumtu pawl in kan theih tengteng ding a poimawh zet.

✅ Fel a ṭha, Mi hnak ih fel awter ciamco a ṭha lo.

✅ Tangdor a ṭha, Mi hnak ih tangdor cuang ih theiawk a ṭha lo.
✅ Hnaṭuan teimak suah a ṭha, Mi hnak ih teima awter ciamco a ṭha lo.
✅ Pathian hrangah pumpek aw a ṭha, Mi hnak ih pumpe aw cuang ih theiawk a ṭha lo.
✅ Fim a ṭha, Mi hnak ih fim awter ciamco a ṭha lo.
✅ Piangthar a ṭha, Mi hnak ih piangthar awter ciamco a ṭha lo.
✅ Thlacam thei a ṭha, Mi hnak ih cam thei cuang ih theiawk a ṭha lo.
✅ 1/10 punghman ten pe a ṭha, Mi hnak ih pe cuang ih theiawk a ṭha lo.
✅ Bible siar thei a ṭha, Mi hnak ih siar thei cuang ih theiawk a ṭha lo.

𝟏 𝐊𝐎𝐑𝐈𝐍 𝟏𝟎:𝟑𝟏
'Curuangah nan ei ah siseh, nan in ah siseh, ziangthil nan tuahmi kipah Pathian sunlawinak hrangah tuah uh.'

Curuangah ziangkim kan tuah kan ṭuan mi hi, Milai sunloih awknak si loin, Bawipa sunloihnak hrangah si hram seh. AMEN