JOHAN
3:16
Pathian in leilung hi a duhdawt zet ruangah a Fapa neihsun a pek ih amah a zumtu hmuahhmuah cu thi loin kumkhua nunnak an co ding.
Thlaler ram ih khual tlawngtu pawl cu an thil keng mi a cem ruangah rilrawng tihal in an um. Rin lopi in Sai Raang tum zet a ra lang ih khual tlawng pawl rilrawng tihal ih an um a hmu tik ah a zangfah ngaingai. Cutikah an hnenah, “Thlanglam ih mual liam te ah Tumkung a um ih cunah tidai le sa ei ding tla nan tawng ding,” tiah a sim. Khual tlawngtu pawl cu lungawi zetin thlanglam ih Tumkung cu an hawl. Tumkung cu an hmu ngaingai ih atang ah Tidai le a thicia mi Sai rang tum zet an va hmu. Sai Raang kiangah an va thlen cu Mitu ih an lamzin rak khawhhmuhtu Sai Raang tum zet kha a rak si. Khual tlawngtu hrek khat cun eiding nei lo in zangfah ih a nunnak in pek mi a si ruangah phurzet in kan ei tlang ding tiah an ti. Asinan a hrekkhat lala cun in runtu le lamzin in kawhhmuhtu cu ziangtin kan ei thei ding tiah an ti ve.
Cui Sai Raang pi cun a nunnak cu rilrawng tihal in nelrawn ramcar ih ummi khualtlawngtu pawl hrangah a pek si kawi, an cohlang ding maw an hnawl ding sawn si pei.
Bawipai’ duhdawtnak khal a mak ngaingai in ramri a nei lo nan a cohlang lo tu hrangah cun a lak a si. Pathian in misual nang le kei in duhdawt tuk ruangah a fapa neihsun nunnak in pek zo nan a cohlang tu lawngin kumkhaw nunnak kan ngah ding a si.