HLAWHTLINNAK KARBAK

Saam 1:1-3

¹ Mi ṭha lo pawlih ruahnak pekmi a saang lo ih, Mi sual lamzin a thlun lotu le, Pathian a hmuhsuamtu pawl lakih a tel lotu cu mi thluasuak a si.
² Bawipa ih daan thlun cu, a lungawinak a si, Cuih daan cu sunzan in a ruat.
³ Amah cu tiva kapih a khomi thingkung, A tikcu ih a rahmi le a hnah tla, A vuai dah lomi bangtuk a si. A tuahmi kipah a hlawhtling.

Introduction

Leitlun mi zovek khal hlawhtling kan duh cio ding ti ka zum. Tumṭahnak le Suangtuahnak sunmang kan rak nei cio ih ti thlawhtling dingin kan theh tawp ṭhanzang le caan hmangin kan zum rero cu lei daan a si. Hlawhtlinnak thawn pehpar in Mifim pawl ih ca nganmi cauk ṭha zetzet tampi siar ding a um ih, Asinan Zumtu pawl hrangah cui cauk pawl hmuahhmuah hnak ih ṭha sawn Bible Ca Thianghlim kan nei hi a sunglawi tuk. 

Bible ca thianghlim in hlawhtlingnak tampi in rak zirh nan hlawhtling rori tiang a thlun theitu kan malzet lai. Kan nuntu daan ding le kan hmailam ṭhansonak hrang Ca Thianghlim ih in sim mi tampi suangih mallai kan zoh tlang ding. 

1. Kan nun ah Pathian pakhatnak ih ret (Put God first)

a. Pathian duhdawt aw (Love God) 

Matthai 6:33 "Cuhnakin Pathian Uknak le a felnak hawl hmaisa sawn uhla thil dang hmuahmuah cu a lo pebeet ding a si.

b. Pathian thu ruat aw (Meditate His words)

Saam 1:2 "Bawipa ih daan thlun cu a lungawinak a si, Cuih daan cu sunzan in a ruat." 

2. Thinlung Thencatnak (Resolution)

a. Thu thencatnak nei tengteng ding (Making decision)

Joshau 24:15 "Bawipa nan ren duh lo a si ahcun tuihsun ah hin hril uh; Mesopotamia ram nan pupa pawlih an rak biakmi khawzing pawl maw nan biak sawn ding; a si lole atuih nan umnak tam Amor miphun pawlih khawzing pawl deuh so nan biak ding, hril uh. Kei le ka innsang cun Biawpa kan biak ding a si," tiah a ti.

b. Fumfe zetih Timtuahnak (Plan Systematically)

• Moses cu Pathian in reipi a rak ser rero (Exodus 2:11-3:22)

• Joseph cu Pathian in a hmang hlan ah harnak phunphun thawn a rak ser ve (Genesis 37:2-50:26)

3. Beidong lo ih hmailam pan (Striving forward without giving up) 

a. Tumtahnak lam pan/zoh (Focus on your goal)

Filipi 3:13 "Ka u le kan nau pawl, cumicu ka co ngah zo, tiin ka ruat hrimhrim lo. Ka tuahmi cu pakhat lawng a si: ka dunglamih a luan ciami thil kha hngilhsan tahratin ka hmailamih a ummi kha ban dingah ka dawh aw rero a si.

b. Pathian thu thawn tanlak (Motivated by God's words)

Saam 119:105 "Na thu cu ka ke hrangah mei-inn a si ih, ka lamzin hrangah tleunak a si.

Conclusion 

Hlawhtlinnak karbak tamzet kan theih mi a um ko ding. Asinan Bible Ca Thianghlim sungih kan hmuh mi pawl cu, kan hringnun ih kan hlawhthlinnak hrampi cu Pathian a mah lawnglawng a si. Ka nun ah Pathian pakhatnak ih kan re a thupi ngaingai ih Thinlung thencatnak thawn hmailam ah kan zawr vivo ih Bawipa kan rinsan a si ahcun mi hlawhsam kan si dah lo ding a si.