14 Ṭih um zet le lamdang zet ih in tuah ruangah, ka lo thangṭhat. Na tuahmi hmuahhmuah hi mangbang le khawruahhar an si. Cucu ka thinlung zate in ka thei. 15 Semsuah dingah ka ruangrai na zing ih, ka nu ih pum sungah ka thi le ka sa na pehcih lai ah, A thup tein cutawk ih ka ṭhan rero lai ahkhan, I hmu ṭhehtu nangmah na si.
1. Pathian semsuah mi
A. Pathian hmuihmel kengtu
Sem 1:26a Cun Pathian in,"Milai tuah tlang uh si; kanmah ih hmuihmel kengin kanmah bangin kan tuah pei,"
B. Uktu dingih tuah mi
Sem 1:26b "Ti sung um nga le van ih a zammi vate tlunah siseh, innzuat sumhnam le hramlak ramsa a tum a seen parah siseh, bokvak ih a cang theimi tlun khalah siseh, thu an nei pei," tiah a ti.
2. Nui pum sung ihsin hril cia mi
A. Pathian mi theih kan si
Jer 1:5 "Na nu ih pum sungih ka lo semter hlan ihsin ka lo thei zo ih na suah hlan ihsin miphun tampi hnenih profet si dingah ka lo hril zo a si," i ti.
B. A profet si dingah hril mi
2 Kor 5:20 "Curuangah kannih cu Khrih palai kan si. Pathian amah rori kanmah sungin thu a sim vek khin thu kan sim. Khrih ih hmin in kan lo sawm: Pathian thawn rem aw uhla a ral sinak in a rualpi ah cang hram uh.
3. Famkim lo na cingin hril mi
A. Misual si na cingih hril mi
Rom 5:8 "Sikhalsehla Pathian in ziangtlukin so ih duhdawt ti cu a langter: Misual kan si hrih na cingin kan hrangah Khrih cu a thi!"
B. Finkhawm dingih tlan mi
John 11:52 "A thihnak ding cu anmah hrang lawngah si lo in hmun kipih a thekdarh aw mi Pathian minung pawl pumkhat ih finkhawmnak ding khalah a si.