“Nangmah
le nangmah bum aw hlah. Zokhal in Pathian an dekcok thei lo. Milai cun an tuhmi
vek cekci in an khawm ding.”
EDWARD
JOHN SMITH
Titanic lawng Captain
Smith cun, “Hi lawng hi Pathian amah rori hman in a pilter theilo ding,”
tiah a rak ti. Asinan Apr 15, 1912, zinglam nazi 2:20am ah pi 882 ih sau, Pathian
hmanih pilter theilo dingih ruat mi cu a lai rori ah kiat in Atlantic tipi
thuanthum sungah apil ta riai. Bawipa na thei fianglo hmanah ziangsiar loin um pang hlah.
MARILYN MONROE
Marilyn
cu hmelṭha Zuknung cangthiam, Model le hlasak thiam American fala a si. Nikhat
cu Pathian thusimtu hmingthang Billy Graham in Bawipa’n na hnenah thusim ding I
fial tiah a ti. Asinan Marilyn cun “Na Jesuh ka ṭul lo” tiah a rak sawn.
Cui thilcang a zarhkhat hnu August 5, 1962, ah a umnak inn Los Angeles ah bawkkhup
ih tihcia in an va hmu. Tuni tiang ziangtin a thi ih ziang ruangah a thi ti
felfai ten theilo in tihsia (Saarthih) in a thi.
JOHN
LENNON (THE BEATLES)
The Beatles cu 1960
hrawngih mi theih lar emem, Liverpool ih rak thawk mi Rock Band an si. Tuni
tiangih mi theihhlawh mi an hla pawl cu Hey
Jude, I want to hold your hand, Don’t let me down, le Let it be ti pawl tla an si. An lar tuk nak ah
John Lennon cun 1966 ah The Evening Standar ti mi London in interview nak ah
Jesuh hnak in Kan bank alar sawn tiah a rak ṭawng.
December 8, 1980, kum ah New York a um nak ah an bank rak uarzet tu Mark
David Chapman cun meithal thawn a kap that ta a si.
Pathian duhdawtnak na tep ngah hrih lo a si men thei, a duhdawtnak na fiang
hrih lo tla a si men ding, Asinan Pathian dekcok le ziangsiarlo in rak um
panghlah. Pathian thu ziangsiarlo le dekcok tu pawl ih nun netnak cu a mawi lo
ti cu hi milar zetzet pathum nunnak ihsin kan hmu thei a si.
________________
Refs:
1. Seth Borenstein “Titanic’s
legacy: A fascination with desasters, NEWS Article, (Apr 1, 2012), https://www.nbcnews.com/id/wbna46916279 (accessed
Dec 18, 2021)
2. Emmabestle. “I Don’t Need
Your Jesus”, How Marilyn Died Mysteriously After Saying This To a Preacher, Opera
News Article, https://za.opera.news/za/en/crime/d84bed1574d2b7b3c981d948089b0453 (accessed
Dec 18, 2021)
3. Mark Sullivan, “More
Popular than Jesus: The Beatles and the Religious Far Right,” Popular Music: Cambridge
University Press. 6 (3) (11 Nov 2008).
4. “Murder of John Lennon,” Wikipedia: The Free Encyclopedia, https://en.wikipedia.org/wiki/Murder_of_John_Lennon (accessed
Dec 18, 2021)