Matthai 7:1-2
1“Mi va soi hlah; cuticun Pathian in
a lo soi ve lo ding. 2 Ziangahtile mi na soi vekin nangmah
khal Pathian in a lo soi ve ding ih midang parih na hmanmi tahfung in Pathian
in a lo tah ve ding.”
1“Mi va soi hlah; cuticun Pathian in a lo soi ve lo ding. 2 Ziangahtile mi na soi vekin nangmah khal Pathian in a lo soi ve ding ih midang parih na hmanmi tahfung in Pathian in a lo tah ve ding.”
Nikhat
cu Nupa te pahnih cu innah an fate pathum cu tanta in lawngpi thawn khual an
tlawng. Rinlopi ah Lawngpi cu thlisia in a huai ciamco ih Tipi thuanthum ah a
pil ta riai. Bawmnak an dilmi lawng dang an ra thlen cun mi tam sawn nunnak cu
bawn thei an si nawn lo. Asinan runsuakmi pawl sungah Nupate khualtlawng ih an
pa sawn cu runsuak ngah a rak si. Inn ah thin thanau zet in a nupi tel lo cun a
vawng thleng. A tefa pawl lawng hman silo an inn kiangkap pawl tiang ih cu pa
cu
“Mai nupi nunnak hnak in mai nunnak runsuaktu hi vek minung”
tiin nasatak in an rak relsia. Asinan cu pa cun ka khat te hman el lo in a te le fa pawl hrang nasa tak in hna atuan ih a te le fa pawl tlawng ṭhaṭha ah a ret ih mifim mithiam ah an cang theh. Nikhat cu nasazet in a damlo ih a nunnak tiam a liam ta. A te le fa pawl cun an pa ih thil pawl cu an remtha rero lai ah Notebook pakhat an tawng. Cui Notebook te ah cun hitin ca a ngan
“Duat si thei sehla maw khai tipi thuanthum daizet ih na pil nak ah lo thlun cih ka duh nan, Kan te le fa pawl hrangah nangmah tal na damsuak a ṭul ih a ṭha thei bikin kan te le fa pawl hrang ka zuamding ti ih thu in tiam ter mi cu ka hlawhtling ter a ṭul fawn. Tucun kan fa le pawl mifim le mithiam an cang theh zo ho khaw, na hnenah ka ra cingding in rak hmuak aw maw.”
A tefa pawl cun an Pa ih caangan mi te cu an ruat thiam thei lo ih, an khualtlawngnak pawl an va zoh sal cu a nu cancer natnak ruangah va zohfel dingah an feh kha a rak si ih, Doctor pawl cun An Nu cu thlatam a nung nawnlo ding thu an sim ih an tlunnak zalam tluanah accident rak tawng mi a rak si. A fa le cun an Pa cu ngaithiam dil an duh zetnan caan ṭha an nei nawn ta lo.
Zumtu nitin kan nunak ah midang hrang Cite le Tleunak kan sih a ṭul thu ca thianghlim mi in sim (Matt. 5:13-14). Caan tampi ah thu theifianglo in midang va soi caan kan nei theu. Zumtu cu midang hrangih thlasuah phurtu ding kan si ih Bawi Jesuh hrang palai ṭha kan si kha hngilh hrimhrim hlah uh si. Kan umcan ziaza le kan nungdaan hmangin tla Pathian ih Palai ṭha kan si thei. Ca thianghlim in soisiat na si lo nak dingah mi va soi hlah tiin fiang ten in sim. Pathian in kan tuah mi vek cekci in laksong in pe lai ding rualrual in ka tuah mi vek cekci in thu in ṭhen ding khal kan theih a ṭul. Kan thuanthu simmi vek in theifiang lo pi in midang kan relsia ih kan soi rero a si le Pathian in kan tlunah a lungawilo thei ih hleiah thlasuah thlentu ih hnek in midang nun siatsuah tu kan cang pang thei. Nitin kan nunnak ah mi SOITU si lo in mi CAWISANGTU sawn si dingah Pathian in thlasuah in pek cio hram seh.
“Mai nupi nunnak hnak in mai nunnak runsuaktu hi vek minung”
tiin nasatak in an rak relsia. Asinan cu pa cun ka khat te hman el lo in a te le fa pawl hrang nasa tak in hna atuan ih a te le fa pawl tlawng ṭhaṭha ah a ret ih mifim mithiam ah an cang theh. Nikhat cu nasazet in a damlo ih a nunnak tiam a liam ta. A te le fa pawl cun an pa ih thil pawl cu an remtha rero lai ah Notebook pakhat an tawng. Cui Notebook te ah cun hitin ca a ngan
“Duat si thei sehla maw khai tipi thuanthum daizet ih na pil nak ah lo thlun cih ka duh nan, Kan te le fa pawl hrangah nangmah tal na damsuak a ṭul ih a ṭha thei bikin kan te le fa pawl hrang ka zuamding ti ih thu in tiam ter mi cu ka hlawhtling ter a ṭul fawn. Tucun kan fa le pawl mifim le mithiam an cang theh zo ho khaw, na hnenah ka ra cingding in rak hmuak aw maw.”
A tefa pawl cun an Pa ih caangan mi te cu an ruat thiam thei lo ih, an khualtlawngnak pawl an va zoh sal cu a nu cancer natnak ruangah va zohfel dingah an feh kha a rak si ih, Doctor pawl cun An Nu cu thlatam a nung nawnlo ding thu an sim ih an tlunnak zalam tluanah accident rak tawng mi a rak si. A fa le cun an Pa cu ngaithiam dil an duh zetnan caan ṭha an nei nawn ta lo.
Zumtu nitin kan nunak ah midang hrang Cite le Tleunak kan sih a ṭul thu ca thianghlim mi in sim (Matt. 5:13-14). Caan tampi ah thu theifianglo in midang va soi caan kan nei theu. Zumtu cu midang hrangih thlasuah phurtu ding kan si ih Bawi Jesuh hrang palai ṭha kan si kha hngilh hrimhrim hlah uh si. Kan umcan ziaza le kan nungdaan hmangin tla Pathian ih Palai ṭha kan si thei. Ca thianghlim in soisiat na si lo nak dingah mi va soi hlah tiin fiang ten in sim. Pathian in kan tuah mi vek cekci in laksong in pe lai ding rualrual in ka tuah mi vek cekci in thu in ṭhen ding khal kan theih a ṭul. Kan thuanthu simmi vek in theifiang lo pi in midang kan relsia ih kan soi rero a si le Pathian in kan tlunah a lungawilo thei ih hleiah thlasuah thlentu ih hnek in midang nun siatsuah tu kan cang pang thei. Nitin kan nunnak ah mi SOITU si lo in mi CAWISANGTU sawn si dingah Pathian in thlasuah in pek cio hram seh.