1 John 4:12
Zohman in Pathian cu an mit in an hmu dah lo, sikhalsehla pakhat le pakhat kan duhdaw aw a si ahcun Pathian cu kan sungah a nung ih a duhdawtnak cu kan sungah a famkim a si.
Daan le dun (By-Law) thlun dingmi pawl an siih, kan sualnak le tlinlonak cuai in thlaitu ti sehla kan sual lo ding. Organization tin ah By-Law neilo kan umlo ding ti sehla a sualnak um in ka thei lo. Ziangahtile Community siseh, Organization siseh, daan le dun ih kaihhruai mi le fun khawmi kan si tlangpi ruangah a si.
Bible hlun (Old Testatment) lam kan zoh a si le, Pathian in Moses hnenih a pek mi daan pawl tla kan hmu thei. Cui daan le dun pawl cu a ṭhazet ko nan Israel mi pawl in an thlun theilo ruangah, mi tampi in an nunnak an liam phah a si kha. Danglam zetin ca ngantu pawl in By-Law/Charter tivek pawl hi a ṭhazet ko nan, By-Law le Charter a tam deuhdeuh nak ah sualnak a karh deuhdeuh ti a si. Milai cun Sual hlah uh kan ti tikah sual deuhdeuh kan hmang, ti hlah uh ti tikah ti deuhdeuh kan hmang ruangah a si hmang.
Duhdawtnak le Zawnruahnak (By Love) cu a hnaṭuan daan a dangzet thung. Bible thar (New Testament) ah cun Jesuh in Daan le Dun si loin duhdawtnak le zawnruahnak a hmang ve thung. Milai pawlin Daam le Dun kan thlun famkim theilo ti a fiang ih hleiah a duhdawtnak le lainatnak cu a nunnak liam rori in a langter. Cucu Mission hlawhtling bik ah a cang ta a si kha.
Pawlkomnak (Community) ah siseh Khohhran (Churches) ah siseh Duhdawtnak (By Love) hnak in Daan le Dun (By-Law) a tam sawn tikah kan tlinlonak le kan ṭhalonak in rem ih hnekin dungsipnak lam sawn ah in hruai thei. By-Law neih a ṭhazet ko nan pakhat le pakhat duhdawtnak tla kan hngilhlo a poimawh zet. Duhdawtnak ka hlohthla ih Daan le Dun lawng kan ṭhan tikah buainak le ṭhentheknak tiang a suak thei.
Ca Thianghlim in Pathian cu duhdawtnak a si (1 John 4:16b) a ti vekin duhdawtnak ah kan ṭhanglian ahcun Daan le Dun cu olai ten kan thlun cio ding tiah zumnak ka nei. Mahatma Gahdhi cun "Duhdawtnak a umnak ah Nunnak a um," tiah a rak ti. Duhdawtnak in in funkhawm in daan le dun in lam in hruai hramseh.
Daan le dun (By-Law) thlun dingmi pawl an siih, kan sualnak le tlinlonak cuai in thlaitu ti sehla kan sual lo ding. Organization tin ah By-Law neilo kan umlo ding ti sehla a sualnak um in ka thei lo. Ziangahtile Community siseh, Organization siseh, daan le dun ih kaihhruai mi le fun khawmi kan si tlangpi ruangah a si.
Bible hlun (Old Testatment) lam kan zoh a si le, Pathian in Moses hnenih a pek mi daan pawl tla kan hmu thei. Cui daan le dun pawl cu a ṭhazet ko nan Israel mi pawl in an thlun theilo ruangah, mi tampi in an nunnak an liam phah a si kha. Danglam zetin ca ngantu pawl in By-Law/Charter tivek pawl hi a ṭhazet ko nan, By-Law le Charter a tam deuhdeuh nak ah sualnak a karh deuhdeuh ti a si. Milai cun Sual hlah uh kan ti tikah sual deuhdeuh kan hmang, ti hlah uh ti tikah ti deuhdeuh kan hmang ruangah a si hmang.
Duhdawtnak le Zawnruahnak (By Love) cu a hnaṭuan daan a dangzet thung. Bible thar (New Testament) ah cun Jesuh in Daan le Dun si loin duhdawtnak le zawnruahnak a hmang ve thung. Milai pawlin Daam le Dun kan thlun famkim theilo ti a fiang ih hleiah a duhdawtnak le lainatnak cu a nunnak liam rori in a langter. Cucu Mission hlawhtling bik ah a cang ta a si kha.
Pawlkomnak (Community) ah siseh Khohhran (Churches) ah siseh Duhdawtnak (By Love) hnak in Daan le Dun (By-Law) a tam sawn tikah kan tlinlonak le kan ṭhalonak in rem ih hnekin dungsipnak lam sawn ah in hruai thei. By-Law neih a ṭhazet ko nan pakhat le pakhat duhdawtnak tla kan hngilhlo a poimawh zet. Duhdawtnak ka hlohthla ih Daan le Dun lawng kan ṭhan tikah buainak le ṭhentheknak tiang a suak thei.
Ca Thianghlim in Pathian cu duhdawtnak a si (1 John 4:16b) a ti vekin duhdawtnak ah kan ṭhanglian ahcun Daan le Dun cu olai ten kan thlun cio ding tiah zumnak ka nei. Mahatma Gahdhi cun "Duhdawtnak a umnak ah Nunnak a um," tiah a rak ti. Duhdawtnak in in funkhawm in daan le dun in lam in hruai hramseh.