"Cuih hmun cu Abraham in, “Yahweh Jireh,” tiah hmin a sak. Curuangah tuih san tiangin, “Bawipa ih tlang ahBawipa in a pe,” tiah mi in an run tita."
Abraham cu Pathian in a hniksak ih a fapa neihsun Isaak pek dingah a dil tikah, thinbang zet le ui zetin a um ko ding tiin zumnak ka nei. A fapa Isaak "Ka pa Meiṭek le zanthing hmuah kan keng ih thawinak hrangih tuufate khuiah so" tiah a fapa Isaak ih thusuhnak pawl cun a pa Abraham ih thinlung a kekkuai ter zet ding. Asinan Pathian ih fialmi a si ruangah, sianglozet cingten Moriah tlangpar lam cu an pan. Pathian ih a fial vekin Isaak cu thawinak biakṭheng parah thah dingih a um veten Jehovah Jireh Pathian cun a aiawhtu ding tuucang a rak remruat sak cia a si kha.
Caan tampi...
Harsatnak kan tawn caan ah Pathian khawiah a um kan ti ṭheu...
Pathian in kan thlacamnak a ngai lo maw si tiah kan vuivai ṭheu...
Samsau zetzet an um ruangah Samettu (Barber) an umlo ti nak a si lo.
Kan lu sungih kan thluak (Brain) kan hmu theilo ruangah Thluak neilo kan si fawn lo.
Bawipa kan Pathian cu Abraham ih Pathian a caan khel ih hnaṭuan ringring Jehovah Jireh a si kha hngilh hrimhrim hlah aw.
Pathian in kan thlacamnak a ngai lo maw si tiah kan vuivai ṭheu...
Samsau zetzet an um ruangah Samettu (Barber) an umlo ti nak a si lo.
Kan lu sungih kan thluak (Brain) kan hmu theilo ruangah Thluak neilo kan si fawn lo.
Bawipa kan Pathian cu Abraham ih Pathian a caan khel ih hnaṭuan ringring Jehovah Jireh a si kha hngilh hrimhrim hlah aw.
A caancaan ah...
Bawipa kutcak a lang thei nak dingah
Bawipa kutcak a lang thei nak dingah
- Daniel vekin Sahrang puk kan thlen hmaisa a ṭul theu (Dan 6:17)
- Shadrak, Meshak, le Abednego vekin meisapi sungah kan thlen ta a ṭul ṭheu (Dan 3:19)
Rual duh Unau na thin phang hrimhrim hlah, a caan teah a cangvai ringringtu Pathian kan nei. A nih cu Mani Tuisun le Thaizing khalah a daanglam dah lomi Pathian a si tikha cing ringring aw.