🍀 Joseph ih nunnak kha mangsal aw (Semtirnak 37:1ff)
🍀 Suahpi Unua ih hnawn le zuar nak tiang a tong ko nan a netnak ah Pathian khaisangnak a co a si kha.
📍 Na thil tuahmi hlawhsam ih na ruat aw caanah
🍀 Noah Tangphawlawng a sak lai mangsal aw (Semtirnak 5:29ff)
🍀 Hmuhsuam nautatnak le hnihsuahsainak ah an hmang nan a netnak ah an Innsang himnak ah a cang.
📍 Na nunah Pathian kutcak a lang lo tiih na ruat caanah
🍀 Daniel le a rualpi pawl kha mangsal aw (Daniel 3:1ff)
🍀 Meisa maktara sung an thleng hmanah Pathian kutcak a lang thotho a si kha.
📍 Natnak thlsia na ton caanah
🍀 Job nunnak mangsal aw (Job 1:13ff)
🍀 A neihmi ziangkim a sungral ih a taksa rori tiang natnak thawn a khat nan a netnak ah damnak lawng silo thlasuah a let in a ngahsal a si kha.
📍 Ka farah tiih na ruat aw caanah
🍀 Kan Bawipa Jesuh Khrih kha mangsal aw
🍀 A hlum nak hman caw rawl einak kuang a si kha (Luke 2:12). Cui a tangdornak cu hi leitlun hrang rundamnak ah a cang.
📍 Pathian fialmi hnatuan pial ih hrial na tum caanah
🍀 Jonah nun kha mangsal aw (Jonah 1:1ff)
🍀 Hremnak le nunsimnak a tong hnuah tuan a tulsal thotho a si kha.
Pathian in Lei le Van, a sungih ummi thil hmuahhmuah Niruk sungah a tuah theh a si ahcun nang le kei kan buainak thamtham cu Pathian hrangah cinfel a har lo zia, a thei fiangtu si dingah Pathian in kan thlarau mit in vangter hram seh. AMEN