Lei le van cu an cemral ding nan ka ṭongkam cu a cem lo ding.
Matthai 6:33
Cuhnakin Pathian Uknak le a felnak hawl hmaisa sawn uhla thil dang hmuahhmuah cu a lo pebeet ding a si.
Introduction
Leitlun ah micak le hmingthang, ram cak le doawkthiam tiih lar zetzet tampi an rak um. Asinan tlaitluan a daih mi uknak pakhat hman an um hrih lo. Rinsan ding le rinsantlak ih kan ruah mi mifim mithiam pawl tla kan ṭul caan ah in bawm thei fawn lo.
Pathian thu cu a nung ih thil a ti thei. Pathian tlaihsantu le rinsantu thuanthu tam zet kan hmu thei ih an nunnak ah tlaksamnak an ton caan hman ah Pathian in a ruunsuak ih zalennak a pek ti kan hmu thei.
1. Pumpak nunah
Na pumpak (personal) nunnak zo na rinsan/tlaihsan?
David cu siangphahrang si dingah Pathian in hriak a thih hnu raltlan in Siangphahrang Saul ih thah ding tih in a tlan rero. Asinan, Pathian a tlaihsan ringring ruangah ziangvek caan sia a tawn hmanah "Sammi zianghman ka nei lo" ti thei nun a nei.
Saam 23:1
Bawipa cu i khawltu a si; Sammi zianghman ka nei lo.
Saam 34:1
1 Bawipa ih parah ka lung a awi ringring ding. Amah thangṭhat cu ka bang dah lo ding.
2 A thil tuahmi ruangah amah cu ka thangṭhat ding. Rethei zonzai pawl in thei uhla nan lungawi uh.
2. Kan innsang ah
Kan innsang in Pathian kan tlaihsan maw?
Saal tannak Egypt ram ih suakmi Joshua cu Pathian a rinsannak ruangah Israel mipi hruaitu dingah Pathian in a khaisang. A nunnak ah Pathian lamhruainak a tak in a hmutu a si ruangah Pathian rianlo in a um thei lo. Judah misenpi hnen ah "Kei le ka innsang cu Bawipa hna lawng kan ṭuan ding" tiih aupi tu khal a si.
Joshua 24:15
Bawipa nan ren duh lo a si ahcun tuihsun ah hin hril uh; Mesopotamia ram nan pupa pawl ih an rak biakmi khawzing pawl maw nan biak sawn ding; a si lole atuih nan umnak ram Amor miphun pawl ih khawzing pawl deuh so nan biak ding, hril uh. "Kei le ka innsang cun Bawipa kan biak ding a si," tiah a ti.
3. Kan hnaṭuannak le kan tumtahnak ah
Ziangtinkim kan tuah kan ṭuan nak ah seiseh ka tumtahnak ah siseh Pathian thurawn ih a mithmai hawl hmaisabik thiamtu kan si maw?
Thufim 3:5-7
5 Bawipa cu na thinlung zate in rinsan aw. Nangmah ih ruahnak le theihnak kha rinsan aw hlah. 6 Na tuahmi kipah Pathian cu thei ringring awla, amah in lamzin dik a lo hmuh ding a si.
7 Ka fim paam tiin ruat aw hlah; Bawipa cu ṭih awla, sualnak tansan aw.
Thufim 16:3
Na tuahmi hmuahhmuah cu Bawipa ih hnenah hlan aw; Na khuakhannak ah na hlawhtling ding.
Saam 37:5
Bawipa hnenah na nunnak pe aw; Amah rinsan awla a lo bawm ding.