FILIPI 4:1
Ka duhdawtmi ka u le ka nau pawl, ka lo ngai zet hai a si. Nannih cu i hnemtu nan si ih ka hmaihngalnak ka sui lukhuh khal nan si. Ka duhdawtmi unau pawl, hibangtuk in Bawipa sungih nan nunnak ahcun hnget zet in ding ringring uh.
A. Ziangah Bawipa ah hnget zet in ding kan ṭul?
1. Kan leilung a dam nawnlo ruangah (Matthai 24:15ff)
2 Peter 3:7,9
7 Asinan atu ih a ummi van le leilung hi meisa ih siatsuah dingah Pathian ih thupeknak thotho in zuah hrihmi an si. Pathian a hmuhsuamtu pawl thuṭhen an si ni le siatralnak an ton ni hrangah zuahmi an si.
9 Bawipa cu a thukammi kimter dingah a khul a fung a si tiah mihrek in ruat hman hai sehla, a khul a fung a si lo. Nan parah thinsaunak a neih ruangah a si sawn; ziangahtile pakhatte hman siatralnak tong lo tein mi hmuahhmuah an sualnak ihsin an kirsal theinak ding a duh ruangah a si.
2. Kan san hi sansia a si ruangah (Efesa 5:16)
2 Timote 3:1-2
1 Ni neta lam ahcun harsat caan tampi a thleng ding ti kha ciing ringring aw.
2 Mi tampi an tirh a fak ding, an hamṭam dingih an hngal an puarthau ding. Mi an hmuhsuam ding, an nu le an pa ih thu khal an el ding, lungawi hna an thiam lo dingih biaknak khal ziangah an siar lo ding.
3. Jesuh ratnak caan a nai ruangah (Filipi 4:5)
1 Thesalon 5:2
Ziangahtile nanmah rori in Bawipa ih ratsalnak ni cu zan ih fifir rat bangin a ra ding ti fiang tein nan thei.
Thuphun 16:15
"Zon hnik! Fifir bangin ka ra ding. Misenpi hmaiah taklawng le ningzak in an um lonak dingah itthat lo tein a meng ih a hnipuan a fingkhawitu cu mi lungawi an si," tiah Bawipa in a ti.
B. Ziangtin Bawipa ah hnget zet in kan dingding?
1. Bawipa thawn naihawk/pawlkomawk kan ṭul (Filipi 4:4)
Jeim 4:8
Pathian pan uhla a lo pan ve ding. Nannih misual pawl, nan kut kholhfai uh. Nannih mi-titer aw pawl, nan thinlung thiangter uh.
2. Pathian thu ngaina ih tlaihsan kan ṭul.
Saam 1:2
Bawipa ih Daan thlun cu a lungawinak a si, cuih Daan cu sunzan in a ruat.3. Sualnak tlansan ih mai cross phur kan ṭul,
Matthai 16:24
Cun Jesuh in a dungthluntu pawl hnenah,"Zokhal keimah thlun a duhtu cu amah ih duhnak kha taan in a thinglamtah phur in i thlun seh.