Mi tampi in Bawipa ih khaisangnak kan hmuh tikah, kan daw ih neih ve cove kan rak duh ṭheu. Cucu minung kan nunphung a si ko. Asinan, Pathian khaisang an si hlan ih an rinumnak le pekawknak zohman in kan rak ruat dah lemlo. Pathian sunloihnak lang dingah milai a rak hmang ṭheu ih cui a hmanmi pawl cu nasazet in harnak/hniksaknak paltlangtu pawl an si tlang pi.
Joseph Nun
Joseph nun kan zoh asile, hmuh theilo nak pindan sungih a rinumnak ruangah Pathian in Egypt ram hruaitu ah Pathian in a khaisang.
👉🏻 Pulpit le Biakinn sungah fel a har lemlo.
👉🏻 Mi hmai ah felawkter a har lemlo.
Asinan, fianrial hmun le zohman ih hmuh lo nak ahcun fel lo a rak ol zet.
Zo hman ih hmuh lo nak Innsang ah hmuah he ṭeuṭeu nan milak ah fel emem rak um a theih.
Lenglam ahcun fel emem vek ih lang fawn si, Nu le Pa, U le Nau ih nunsimnak ziangsiarlo a um theih.
Bawipai cawisangnak kan co duh ahcun, Ziangvek hmun le caan khal ah Pathian a ṭihzah ih Joseph vek in rinum le rinsantlak zet ih nung, zumtu si kan ṭul.