Matthai 24:35; Luke 21:33
"Lei le van cu an cemral ding nain ka ṭongkam cu a cem dah lo ding."
Na nun ah zohman mawhpuh/mawhtluk ding hawlhlah aw.
Mi ṭha pawl in lungawinak a lo thlen dingih;
Mi ṭhalo pawl in hmuh le tonmi (Experience) a lo pe ding;
Mi siava ngaingai pawl in zirhnak (Lesson) a lo pe dingih,
Asinan, Mi ṭha emem pawl cun ngilh theilo mi thuanthu mawi a lo pe ding.
Caan tampi ah kan rinsan zetmi pawl in in phatsan ṭheu;
Cun kan ruah banloh midang pi'n in unau sungkhat hnak in in duhdawt lala fawn ṭheu.
Mi ṭhenkhat in thil kan tuahsuak theilo mi hmangin kan sual an hawl ih in ṭapter ṭheu;
Mi ṭhenkhat lala cun kan sualnak le tlaksamnak an hmu konan, theilo vekten hni siamsi ten in zoh liam sak ih, caan khatkhat ah a thiam leh ko ding tiah duhsaknak thawn mi lamzin mi an sialsak ih mi an bawm lala fawn.
Mi ṭhenkhat cun kan ṭulbik caanah in tlansan ih;
Asinan, mi ṭhenkhat lala cun tlansan dingih kan sim rero hmanah kan kiangah dingin in taanpi ringring ve thung.
Hi leitlun ah miphun dangdang le nunzia dangdang um khawm kan si ruangah kan kaih theimi kut le kan tlah dingmi kut kan theihthiam a ṭulzet. Hihi hringnun ih a keng telmi nunphung a si fawn. A ṭul ahcun taansan ngam ih a ṭul ahcun nunnak cemtiang tlaihsan ngamtu si kan ṭul.
Nunphung, Mizia le zoh daan a dang vivo thei ko nan, Cung Pathian ih in duhdawtnak hrimhrim cu a danglam dahlo ticu kan hngilh lo pei uh. Phatsantu lak ah rinsantlak, relsiatu lakah kan sual in khuh saktu, Hnuk thlak tumtu lakah in khaisangtu um sun cu Bawipa lawng a si. Ca Thianghlim in "Hi Leilungpi siatral hmanseh kan thu cu a siat dahlo ding" tiah in sim cia bangin Pathian thu ah thih tiang hngataw/rinsan ngamtu si dingah Pathian in thlasuaknak in pe hramseh.
Na nun ah zohman mawhpuh/mawhtluk ding hawlhlah aw.
Mi ṭha pawl in lungawinak a lo thlen dingih;
Mi ṭhalo pawl in hmuh le tonmi (Experience) a lo pe ding;
Mi siava ngaingai pawl in zirhnak (Lesson) a lo pe dingih,
Asinan, Mi ṭha emem pawl cun ngilh theilo mi thuanthu mawi a lo pe ding.
Caan tampi ah kan rinsan zetmi pawl in in phatsan ṭheu;
Cun kan ruah banloh midang pi'n in unau sungkhat hnak in in duhdawt lala fawn ṭheu.
Mi ṭhenkhat in thil kan tuahsuak theilo mi hmangin kan sual an hawl ih in ṭapter ṭheu;
Mi ṭhenkhat lala cun kan sualnak le tlaksamnak an hmu konan, theilo vekten hni siamsi ten in zoh liam sak ih, caan khatkhat ah a thiam leh ko ding tiah duhsaknak thawn mi lamzin mi an sialsak ih mi an bawm lala fawn.
Mi ṭhenkhat cun kan ṭulbik caanah in tlansan ih;
Asinan, mi ṭhenkhat lala cun tlansan dingih kan sim rero hmanah kan kiangah dingin in taanpi ringring ve thung.
Hi leitlun ah miphun dangdang le nunzia dangdang um khawm kan si ruangah kan kaih theimi kut le kan tlah dingmi kut kan theihthiam a ṭulzet. Hihi hringnun ih a keng telmi nunphung a si fawn. A ṭul ahcun taansan ngam ih a ṭul ahcun nunnak cemtiang tlaihsan ngamtu si kan ṭul.
Nunphung, Mizia le zoh daan a dang vivo thei ko nan, Cung Pathian ih in duhdawtnak hrimhrim cu a danglam dahlo ticu kan hngilh lo pei uh. Phatsantu lak ah rinsantlak, relsiatu lakah kan sual in khuh saktu, Hnuk thlak tumtu lakah in khaisangtu um sun cu Bawipa lawng a si. Ca Thianghlim in "Hi Leilungpi siatral hmanseh kan thu cu a siat dahlo ding" tiah in sim cia bangin Pathian thu ah thih tiang hngataw/rinsan ngamtu si dingah Pathian in thlasuaknak in pe hramseh.