1 John 2:15-17
15 Hi leilung le a sungih thilri hi tlaihsan hlah uh; hi leilung hi nan tlaihsan asile Pathian duhdawtnak nan nei lo a si. 16 Leilung ta a simi thil hmuahhmuah: Sualnak tisa in a hiar mi, milai in an hmuhmi le an duhmi thil, minung in hmaihngal porhawknak ih an ruahmi thil hmuahhmuah hi pakhatte hman Pa hnen ihsin a rami an si lo. A zate in leilung ihsin a rami an si ṭheh. 17 Leilung le a sungih a ummi thilri, milai ih an tlaihsanmi pawl hi an hloral vivo zo; asinain Pathian duhnak a tuahtu cu kumkhua in a nung ding.
Kan san hi IT (Information and Technology) san a siih AI (Artificial Intelligent) tiang an tuah ih minung vek rori ih ṭongthei le cangvai thei cet-zuk (Robot) tuahsuak rero san ah kan thleng. A hlanih kan theih dahlo mi Internet cu olai ten inn tinah a thleng ih Online ah thil ziangkim kan zoh thei ti sehla kan sual lemlo ding. Mino pawl lawng hman siloin nupi pacang tiangin Facebook account kan nei ṭhepṭhep ih sunsun zanzan kan biakaw thei thlang.
Cui ṭhansonak cu a ṭha in lungawi a umzet ko nan, ziangtin kan hmang ticu thusuh-nak tumpi a si. Caan tampi ah online ih kan hmu mi pohpoh kan thluntum ih kan daw vivo ṭheu. A bik in ṭhalai/mino pawl in online ih an hmuh mi pawl nuntak ah an hmang tum tikah duh thu a sam thei nawn lo. Curuangah fala tlangval karlak ah siseh, nu le pa karlak ah siseh tampi buainak a suah ter. Online ih kan hmuh mi thil pawl in kan fala kan tlangval hnen in siseh kan nupi kan pasal hnen in siseh Beiseinak/Ruahsannak tum le sang in neihter ih cui kan beiseinak/ruahsannak pawl a kimlo caan ah kan beidong in kan riah a sia ṭheu.
Kan theih ṭulzetmi le a um ngaingai mi thil pawl mallai kan vawn tarlang ding.
🌿 FACEBOOK parah duhawk emem nan;
🎯 A tak ram ah dehaw ding man ṭeuṭeu a um thei.
🌿 FACEBOOK parah Romantic emem in lang nan;
🎯 Innsang ah Ui le Mee vek raalawk ṭeuṭeu a um thei.
🌿 FACEBOOK parah cun thlarau mi emem nan;
🎯 Nuntak ah unau, sungkhat le innhnen thawn remaw dahlo a um thei.
🌿 FACEBOOK parah cun fim emem nan;
🎯 Nuntak ah lak ding zianghman umlo a um thei.
🌿 FACEBOOK parah Romantic emem in lang nan;
🎯 Innsang ah Ui le Mee vek raalawk ṭeuṭeu a um thei.
🌿 FACEBOOK parah cun thlarau mi emem nan;
🎯 Nuntak ah unau, sungkhat le innhnen thawn remaw dahlo a um thei.
🌿 FACEBOOK parah cun fim emem nan;
🎯 Nuntak ah lak ding zianghman umlo a um thei.
Mi in an mawinak phen ah le an Phone Camera phen ah ziangvek nun an nei ti kan theilo ruangah ziangtinkim hi kan hmuh daan le a langdaan vek a si ṭhehlo ti kha hngilh hrimhrim hla.
Curuangah Ca Thianghlim in "Hi Lei thil le ri tlaihsanlo dingah" in tiam vekin, Pathian thu thawn sawn nungih nitin a thu sungah cencilh ih nun hmangtu lawnglawng in lei ih pek theilo mi hnangamnak nei ngahtu kan si ding.