PATHIAN HMIN PAWL

Thukam hlun ih Pathian hming pawl cu:

1. Jehova or YHWH
Pathian in “Keimah cu Keimah” ka si a tinakin a um ti a langter ih a hmin cu Thianghlim a si. Sual hua le misual duhdawttu a sizia a hminin a langter (Exo.3:14).

2. Adonai: 

Pathian asilole Bawipa tinak a si. Hihi lal le sal karlak ih ṭong hman mi a si.
Lei le Van pawl sersiamtu cungnungbik Pathian a sinak a langter (Deut.10:27; Job.28-38; Sam 86:8; Mal.1:6).

3. Elohim: 

“A cak mi” tinak a si. Hebrew ṭong a siih mipahnih tlun (plural form) ti tluk a si. “Thumthlak Pathian” (Trinity) tinak a si bik mei.

El ih thok mi
1. El-Elyon – Cungnungbik, cakbik miangmo- (Isai.14:13-14).
2. El-Roi – Hmutheitu- (Gen.16:13).
3. El-Saddai – Ziangkim tithei- (Gen.17:1-20).
4. El-Olam – Catuan Pathian, Kumkhaw Pathian- (Isai.40:26).

Jehovah ih thok mi hmin pawl cu:-
1. Jehovah Jireh – Tumawcop Pathian (Gen.22:13-14).
2. Jehovah Nissih – Pathian cu kan nehnak (Exo.17:15).
3. Jehovah Shalom – Remnak Pathian (Judge 6:24).
4. Jehovah Shabbaoth – Ralkappawl Bawipa (1Sam.1:3).
5. Jehovah Maccaddeshcem – Pathian a lo tithianghlimtu (Exo.31:13; Deut.20:8).
6. Jehovah Raah – Pathian cu I kiltu a si (Sam 23:1).
7. Jehovah Tsikenu – Pathian cu kan felnak (Jer.33:6).
8. Jehovah Shammah – Pathian cu kan hnenah a um (Ezk.48:35).
9. Jehovah El Gmolah – Sinak vekih thureltu Pathian (Jer. 51:56)

10. Jehovah Ropheka – Pathian kan damnak (Exo.15:26).