Kum 2000, January thla ah, Charlotte ih hotu pawl in North Carolina ah Billy Graham cu suncaw eikhawmnak puai ih tel ve dingin a sawm.
Billy Graham cu a dam ṭha lemlo ruangah an sawmnak cu a cohlang lohli theilo. Asinan Charlotte hotu cun, thu tampi in sim dingin kan lo beisei lo. In ra telpi awla kan lo sunlawih duh hrimhrim” tiah an rawn let ih an sawmnak cu a rak cohlang.
A thuhla le a ropitnak pawl an sim/rel hnuah Billy Graham cu mipi hmaiah a feh ih mipi lam hawi in hitin a sim, “Tui thla ih Time Magazine in "Man of the Century" ih an hril le sunlawihnak an pek mi Physicist ropi Albert Einstein in mangter sal" tiah a thawk.
Vawi khat laiah Einstein cu Princeton ihsin tlangleng a to ih reilote ah tlangleng hotupawlin ticket an rung cek vivo. Einstein hnen an thlen tikah Einstein cun a ticket la ve dingin a kor dip a pur ih a ticket a rak um nawn lo. A bawngbi zal a cek sal, a um cuang lo. A tonak kiang le hnuai/tang tla a hawl bet rero nan a um cuang lo.
Ticket cek tlangleng hotupa cun, "Einstein, zo na si ti ka lo thei, kan zatei theih thluhmi na si. Ticket khal na rak lei ding ti cu kan zum ko, phang duh hlah aw” a rak ti.
Einstein cu lungawi hmel ten a lu a sut. Ticket tlangleng cektupa cu a ticket dangpawl cek bet vivo ih, tlangleng khan dang a kat zik tikah tohkham hnuaiah khukbil ih kun phah in Einstein a ticket a hawl rero lai kha a hmu sal. Cutikah tlangleng hotupa cun, “Dr. Einstein, Dr. Einstein, pawi lo pi, thinphang hlah aw, zo na si ti ka lo thei ko, zianghman a pawi lo hokhaw" a rak ti lala. Nang cu ticket neih kher hman a ṭul lo. Na rak lei taktak ti cu ka thei ko si” tiin a ti sal.
Einstein cun tlangleng hotupa cu a hun zoh ih, ‘Ka nau, zo ka si ti cu ka thei aw ve ko si. Asinan, ka theihlomi sawn cu khuiah ka feh ding timi sawn si” tiin a let.
Billy Graham cun a thusim a peh ih, "Tuini ka kawr hruhmi rak zoh hnih uh? A thar te a si.
Ka fa le ka tuu pawl in ka hruhmi kawr pawl hi a hlanlai tuk zo tiah in sim ṭheu. Kei cu mi ti fekfek deuh pawl ka si ruangah mawi deuh in lang ve dingah tui zaan hrangah lengah hi kawr hi ka va leimi si" tiah a sim bet.
Billy Graham cun, "Ka sim duhmi nan theithiam maw? Ka thih tikah hivek kawr thawn si in phum ding. Asinan ka thi ti nan theih veten ziangvek kawr ka hruh timi nan theih cih ding kha ka duhmi a si lo, ka duhmi sawn cu hihi a si: “Kei cu zo ka si ti ka theih-awk lawng siloin… khuiah ka feh ding tikhal ka thei," tiah a ti.
Billy Graham Ablbert Einstein thu te thawn a sim duhmi cu hi leitlun kan um caan tawite ah mah le mah theifiang awk lawng siloin kan thihhnu ih kan fehnak ding theihfiang a poimawh zia in sim a si.
Ziangtin na cei-awk?
Ziangmi kawr na hruk?
Ziangmi degree na ngah?
Ziangtluk in na lian?
Ziangtluk in mifim na si?
timi pawl hnak in na thih tikah khawiah na feh ding timi na fiang a poimawh.
Thaizing ah na nunnak cem bang sehla kawiah na feh ding na thei zo maw?
Source: https://inspire21.com/billy-grahams-einstein-speech/