Cak zet le ralṭha zet in um uh. Hi miphun pawl cu ṭih hlah uh. Nan Pathian Bawipa amah rori cu nanmah thawn a feh ding. A lo tlansan lo dingih a lo hnong lo ding,” tiah a ti.
Pathian hnaṭuan daan theithiam a har cuahco ṭheu.
Asinan, tlai dahlo le in phatsan dahlo tu Pathian a si.
Moses le Israel mi pawl cu Egypt ralkap pawl in dunglam ihsin an dawi ih an hmai ah tipi sen in a kham laiah an ai hram ciamco. Culai fangah Pathian in tipi sen cu a catter a si kha. Buainak kan tong caanah Van kan zoh ih a sang, lei kan zoh ih a pit, lung beidong in kan um ṭheu. Pathian in kan harsatnak le buainak pawl in laksak ding kan beisei/ruahsan laiah Bawipa in Moses le Israel mi pawl fehnak ding tipi sen a catter vekin harsatnak le buainak lakah Lamzin in rak tuah sak thotho ṭheu.
Ziangvek caan khalah Bawipa kan Pathian rinsan mai aw.