𝐍𝐀 𝐑𝐔𝐀𝐓 𝐃𝐀𝐇 𝐌𝐀𝐖

✅ Pathian a ṭihzah ngaingai tu hrangah,
Nitin hi Pathian ni (Sunday) a si tihi na ruat dah maw?

✅ Nupa duhdawt aw zet le duat aw thiam hrangah, 

Nitin hi Valentine's Day a si tihi na ruat dah maw? 

✅ Nu le Pa duhdawt ngaingai tu hrangah, 

Nitin hi Happy Father's/ Mother's Day a si tihi na ruat dah maw? 

✅ Rualpi ṭha duhdawttu nei tam hrangah, 

Nitin hi an Birthday a si tihi na ruat dah maw? 

Caan tampi ah, 

🍁 Sunday ni a si ruangah serh ciamco kan hmang. 

🍁 Valentine's Day ni a si ruangah duhdawtnak langter aw ciamco kan hmang. 

🍁 Father's/Mother's Day a si ruangah duhdawtnak langternak ah Post ciamco kan hmang. 

🍁 Birthday si ruangah lawmnak ah thil do aw ciamco kan hmang. 

Cu pawl cu a ṭha lo ka tinak si loin, duhdawttu ngaingai cun a ni le thla ah ṭhum aw sawn loin, caan ṭha an neih mi le remcang tinten duhdawtnak langter dingmi sawn a si.