𝐁𝐀𝐖𝐈𝐏𝐀 𝐎𝐍𝐆𝐒𝐀𝐊 𝐌𝐈 𝐒𝐀𝐍𝐆𝐊𝐀

𝐌𝐚𝐭𝐭𝐡𝐚𝐢 𝟏𝟗:𝟐𝟔

Jesuh cun hmaiton tein a zoh hai ih an hnenah, “Himi hi minung hrangah cun a si thei lomi a si, sikhalsehla Pathian hrangah cun ziang hmuahhmuah a cang thei,” tiah a ti.

Thinpit, Beidawng, Malmak le Vansannak kan tong caan hi, Pathian in Zumnak camibuai (Exam) in rak tuah sak caan a rak si theu.

Cui caan ah 

❗Kan ṭhatnak hrang Pathian lamhruainak a si tiih lak le zum a harsa zet.

❗A can khelin Bawipa a cangvai ko ding tiih rinsan taktak tla a rak ol lo zet.

Pathian in Milai ih hlawhtling zet ih kan ruat mi lamzin/sangka in khar sak cun,

Kan hrang ih ṭhason Lamzin/Sangka dang in ongsak a rak duh ziarzi ruangah a si theu.

🌟 Abraham thlasuah co dingah zumnak thawn a neih mi inn le lo, u le nau a tansan.

🌟 Joshua ih a rinsan zetmi Moses a ṭhihhnu lawngah Joshua cu dinhmun sang hruaitu ah Pathian in a ret. 

🌟 Pathian sungloihnak lang dingah Job cu a neih mi hmuahhmuah le a fanau tiang a hloh. 

📝 Ziangvek caansia/dinhmunsia kan ton caan khalah Pathian mithmai hawltu le Bawipa a rinsan ringring tu si kan ṭul. 

📝 Pathian in a caan a kim a ti cun Milai in ziangvek in kham hman sehla Pathian in Lamzin/Sangka cu kan hrangah a ong thotho a si.