𝐄𝐟𝐞𝐬𝐚 𝟑:𝟐𝟎, 𝟐:𝟏𝟎; 𝐅𝐢𝐥 𝟒:𝟏𝟑
"Kan sungah a huham in hna a ṭuantu cun kan dil theimi le kan ruah theimi hnak hmanih let tampi in a ṭuan thei a si."
SikhalsehlaBawipa in, “Dunglam thil lawnglawng ngaihtuah hlah uh; Hlanlai thuhla lawng ruat hlah uh;Thilthar ka tuah dingmi òha tein thlir uh. Atu khalah an um rero thlang, nan hmu thei ding. Hramlak ramòhing ah lamzin ka tuah ding, Cutawkah tidai nan hrangah ka luanter ding
Pawpi (Tiger) cu Nazi Pakhat ah Kilometers 50 (50KM) tluk ih cak in a tlan thei. Asinan Zukneeng/Sazuk (Deer) ve thung cun Nazi Pakhat ah Kilometers 90 (90KM) tluk ih cak in a tlan thei. Pawpi le Zukneeng an tlancak daan zoh tik ah Zukneeng cu Pawpi hnak in a let zik rori in a tlan cak sawn. Asinan Zukneeng cu Pawpi ih deh/siatsuh le thah tuartu (Victim) a sing ringring.
Ziangah tile:
1️⃣ Zukneeng cun Pawpi a hmu tik ah a ṭih ih, dawi a si veten Pawpi cu a cak ih in man ding timi thinlung a nei. Dawiman a si hlan hmanah a tha a rak nau cia ruangah a tlan cak lam a hngilh ih Pawpi'n in dawi man zik maw tiah tlan pah in dunglam a zoh/hawi phah vivo nak ah a tlan cak thei lo.
2️⃣ Pawpi ve thung cun Zukneeng a hmu veten ka rawl a si, ka man hlan lo ka dawi dingih ka deh ngah tengteng ding timi lungput thawn a dawi ih a netnak ah aman ngaingai theu.
Zumtu Zukneeng lungput neitu silo in Pawpi lungput neitu sih kan ṭul. Pathian in kan mah le zawn ciar ah thil ti theinak in pek. Bawipa thawn ziangkim kan ti thei tiih zumnak thawn hmai kan nawr a si le, ka ruahsannak hnak hman ih ṭhasawn Pathian in rem in ruat sak theu a si. Zukneeng bangin a liam cia caan pawl ruat sal in kan um a si le ka thil ti theinak neih mi hman kan hloh pang thei. Isaiah 43 ih in sim mi vek in Pathian in thilthar in tuah sak dingmi sawn a thlir thiam ih dungsiptu silon hmailam nawr sinsin tu si dingah Pathian in thlasuah in pek cio hram seh.