3 Khrih Jesuh ih rinsantlak ralkap na si bangtuk in tuar ding na covo cu tuar ve aw.
4 Ralkap a ṭuantu cun amah hotu bawi ih duhnak kha a thlun ih ralkap a si lomi mi memmemih thuhla sungah a cokkalk aw lo.
1. Khrih ih rinsantlak mi ralkap ṭha (v. 3a)
A. Khrih ralkap si dingah hril mi.
John 15:16 "Nannih in, in hril lo; keimah in ka lo hril hai ih kumkhua ih a hmunmi rah nan va rah theinak dingah ka lo fial a si. Ka hmin in Pa hnenih nan dilmi hmuahhmuah cu a lo pe ding."
B. Teimaknak thawn Pathian hna theih tawp ih ṭuan.
Matthai 25:23 "A bawipa in ‘A ṭha, hnenum ṭha le rinsan tlak hnenum na si. Malte parah rinsan tlak na si ruangah tampi kilkhawitu ah ka lo tuah ding. Ra awla na bawipa lungawinak sungah hin ra tel ve aw,’ tiah a ti."
2. Tuar dingah covo kan nei (v. 3b)
A. Mah le mah elawk nun
Luka 9:23 "Cule an zate hnenah, “Zokhal sisehla i thlun duh ahcun mah zawnruahnak kha tlansan sehla nitin tein a thinglamtah phur in i thlun seh."
B. Sual hua in sualnak tlansan nun
2 Tim 2:22 "No lai taksa hiarnak cu tlansan awla thinlung thianginBawipa ih bomnak a diltu pawl thawn hmunkhat ah dingnak, zumnak, duhdawtnak le daihnak ngah dingah napi in zuam aw."
3. Ralkap cun an hotu bawi duhnak a thlun (v. 4a)
A. Pathian thulung nun.
1 Samuel 15:22 "Cutikah Samuel in, “Khuimi soBawipa in a duh sawn? Amah ih thu thlun maw, asilole saserh peknak le thawinak so? Tuu a ṭha bikmi thawn a hnenih raithawi hnakin amah ih thu thlun cu a ṭha sawn a si. Amah dodal cu polsia dawihmang tluk in a ṭha lo a si."
B. Bawipa thurawn hmaisa nun.
Thufim 3:6 6 "Na tuahmi kipah Pathian cu thei ringring awla, amah in lamzin dik a lo hmuh ding a si. 7 Ka fim paam tiin ruat aw hlah; Bawipa cu ṭih awla, sualnak tansan aw."
4. Mi memmenih thu sungah a cokkalh aw lo (v. 4b)
A. Leitlun thil le thu ah buai lo nun.
Johan 15:19 "Leilung ih ta si uh cila leilung hin ka ta tiah a lo duh zet hai ding. Sikhalsehla leilung ihsin ka lo hril zo ih a ta nan si nawn lo; curuangah leilung in a lo huatnak cu a si."
B. Pathian thu lawng aatcilh nun.
Saam 1:2 "Bawipa ih Daan thlun cu a lungawinak a si, cuih Daan cu sunzan in a ruat."
Saam 119:105 "Na thu cu ka ke hrangah mei-inn a si ih, ka lamzin hrangah tleunak a si."