Hivek ih Kawlram Politic kan buai culci naksan hi Panglong Thutiam ihsin a hram a rak thawk.
Ziangah tile kan lupar ah sam lawng um ih rak ukaw mi, RAM nei felfel cia mi , Full authority nei mi Miphun kan si tihi hmaisabik ih kan hngilhlo dingmi Thudik asi. Mai khua le ram thansoh nak ah zodang mithmai zoh tullo ih rak ummi pawl kha kan ram le kan thuneihnak tanta Ram pakhat ah kan rak komaw. Kawl kan rak zumtuk ruangah tilam aiin “Tanrual cu cahnak asi” timi le “Kawl Fangkhat Chin Fangkhat” timi Panglong Thutiam ruangah asi.
Cutin,
Chin pawl cun Kawlram pumpi huap party or One Party ih um khal poi tinak kan rak neihlo ruangah Pu Za Hrelian ( Chin Affairs Minister) le Pu Shing Thang (Mister of Relief and Resettlement) pawl khal Pha Sa Pa La Party pakhat ah kawl pawl thawn an rak um.
1945-1958 tiang hi PHASAPALAH San arak si. Ziangah tile PSPL Party cun 1947 ih Election lai ah Meekuang 255 ah 243 in a neh. 1951 Election ah Pyithuh 250 ihsin 230 an tuah ih 180 in a neh .1956 khalah 220 ah 144 in a neh verver. Cutin Kawlram cu PSPL Cozah in in rak hruai.
Cuvek san lai Rengoon le Mandalay tivek, kawl miphun umnak pawl ah Electric thazet in an ngah . University thatha a rak um. Lehlam Tlangpar ah Electric timi umzia hman thei lo an rak tampi.
Opposition Party pawl cang theilo dingin PSPL Party in a neh viarviar tikah ziang a ra cang?
- Panglong Thukam thawn pialaw verver in Tlangmi pawl ih duhnak tello in 1947 Constitution cu an rak ngan thei.
- United State timi silo in Kawl miphun Hmin kha la tahratin Union of Burma tin an rak nemhnget thei. State pawl ih Power khal kha 1947 Constitution Daanbu ih Article vekin Central Cozah in a lak thluh ih Centralization timi, Tlunlam thuneihnak an rak hmang tan thei. Hitawk ah Modern Burmese Kingdom foundation an rak phunhnget zo tinak asi.
- State Cabinet Ministers pawl khal kha State Council pawl thurawn tullo in Central Cozah ih duhmi le rem a timi pawl lawng an run hril thei.
- Kan Unau Kachin mipi le Kachin Council ih remtinak tello riai in 153 Square Kilometers ih kau mi Miphaw, Gaulan le Kanphan timi hmunram khal Tuluk hnen ah an rak zuar sak thei.
- 1961 ah an duhzawng in Constitution an rak rem ih Article 21 (a) hmangin Kawlram cu Budish Ram siding in an rak nemhnget thei.
Hibang pawl hi Kawl Democracy ih Majority Influence (Mipumtam ruangih Thuneihnak) hmang in One Party PSPL ih rak tawlrelmi pawl, kan Covo in siatsuah mi lak ih mallai rellang menmi ansi. Tampi relding a umlai. Hivekin Tlangparmi pawl ih kan covo kan rak hloh rero ruangah Ralthuam hmangin Ral an rak tho, EAOs timi a rasuak.
Opposition Party thazang arak mal tuk ruangah le PSPL Cozah ih One Party Ruling system in Hrilawknak a rak neh hniaihnai ruangah aluar tukin thuneihnak le Central um Minung pawl rinsan tuk nak cun, a rei vivo tikah PSPL Party khal hmun hnih ah an phelaw vuarvi. April ni 23, 1958 ah U Nuh Tin ih ho le U Swe Ngyein ih ho tiin an rak then aw.
Hitawk lai ah Minister kan neihmi Pu Za Hre Lian le Pu Shing Thang tei pa 2 khal an tanmi Central veve ih thuneihnak rak pahbal ngam in Miphun Party rak din thlang ding an si nan an rak dingngam lo ih ziang titha!
Pu Za Hre Lian cu U Nuh Tin lam ah a tang ih lehlam ah Pu Shing Thang tiin Minister kan neih sun tei pa 2 khal an rak thenaw lan ta. Cun, Pu Ro Thang ihsin thawkin Pu Mang Tling tiang MP kan rak neihmi pawl khal an thenaw thluh. Riahsiat za!
Tuini ah Chin Party rak din acu hrih lo kan ti rero thei hi mangbangza , ziangruangah a cu hrih lo an timi hi ka ruatban thei lo. Thuanthu hi mai duhduh nak ih merhkawi theih a silo. Aliam ciami thil zianghman thleng dang theih a si lo ruangah kan zum duh le duhlo vek ah a thumaw lo. Rundamnak khal kan suahhlan pi ihsin Pathian ih inpekmi Laksawng, Thuanthu Roling or Historical Fact a si ih kan zumduh le duh lo ruangah a va danglam cuanglo. Azumtu cu Rundam an si ih Zumlotu pawl cu Rundam an si ve lo simai.
Apar ih kan nganmi pawl hi Kawlram ah One Party Ruling system in an rak Uk ruangih thil thlengmi pawl ansi.
Tuini tiang ziang kan cang?
1. Kan Pipu Rosunglawi, kan Leiram rori hman kan kilhim thei nawn lo.
1947 Constitution article-196 ah President cu Ramri thuhla ah roreltu , full authority neibik a rak sicia. Hivek article hi Federal Nunphung a dodaltu Article an si ih Federal cu Tlangmipawl ih vote ngahduh ruang men ah Kawl upa pawl in an kaa lawng in an rak sal theu men. Tuinitiang ziangvek Kawl Miphun party khalin an duh taktak lo tihi an rem duhmi article zoh sela a fiang mai. Man nei ih ka lei mi kha thazang le man pek tullo in, daan ci phunphun tuah tahrat ih ralon thluh an duh ringring. Tahthimnak ah Khaikam ih Leiram thenkhat kha Kalay University ih Hmunram si thei dingin October 2020 ah zohfelnak an nei ciamco.
Ramri timi hi kan relzo vek in Panglong hlan ihsin kan Pipu pawl in an nunnak thapin Ral le Sahrang lak ah Ramri tuahin in rak kilhim ih tuini ah nang le kei kan ra suak theifang.
Ramri-nawr timi hi US Thuanthu khal ah aum. Native America tiih kan komi Red Indian pawl hi Christopher Columbus le pawl thlenhlan ah America ih rak umcia ansi. Hmunrawn ah an rak umnan tui American pawl in Colonize an va tuah vivo ih Tlangzim ah kan mah vekin an um. Asinan tuini ah USA Cozah in Reservation atuah sak. Casino timi hi Business tumpi pakhat a si ih cumi Business tuah dingah Native American (Red Indian) pawl lawng License tuah siang asi. Citizen Right lawng silo in duhsaknak tampi ape bet.
Tlangmi pawl ramri, kan theihlo lai le kan sianglo cinten in nawr tik ah ziangvek Reservation si inpek ve? Apek lam cu relloh, tuini tiang thiltha suakmi ziangkim in longbet vivo lai sapbai (An puarthau tuk zo)
Rakhine Ram ih Tipithuamthum thilsuak (Marine Products) le Natural Gas pawl lawngin kan Ram hrekkhat lai a cawm thei tiih kan ti rero lai ah Rakhine State cu Farahbik Champion sinak kha Chin State thawn an longaw vohvoh lai. An Nuhrin Covo hmuh theih thamtheih in an hloh ringring tinak si. Ram le Miphun a duhdawt taktak tu hrang ah thingnat nguihngo tlak rori asi. Hivek an hloh vivo ruangah an tuar nawn lo ih Meithal kai rorin an covo laksal an tum. Hivek hi State Counsellor khalin a thei tuk nan amai Kawl ralkap lam a tang lai thotho. Riahsiat za!
Kachin le Shan khal ah cuti thotho. Tlangparmi pawl ih thiltha hmuah hmuah cu in huum sak ih Naypyitaw tivek Kawl City tumpi an dinrupro mai khi thaten ruah cun a fair lo tuk. KIA le RCSS tivek Raltho pawl khi mawhthluk ciamco a theih nawnlo. An mawh sawm? CNLD Chairman Pu No Than Kap ih rel vekin, “Tipi sungih hak cuahco, pil cuahco rero lai kan si ih kan suah theinak dingah Thingbul emaw Lungbul emaw kan kaihngah mimi kha rinsan in Harsatnak tipi ihsin kan talsuah atul, hrilding dang an/kan neilo.”
Kawl miphun umnak pawl cu Handicraft Farm (lethmuh leyar ) insin Industrial Farm (Sethmuh leyar) ah an cang zo. Tlangparmi pawl thawn kan covo a bangaw nawn lo tinak si. Kan lamzin pi hman ah a thlauaw tuk zo. Linglet in kan um zo. Reservation lam cu relding a um lo nasa.
Kachin Putar Hruaitu pakhat ih rel vekin “Taa (ownership) timi cu Thuanthu in a ra. Kachin State ah Kawlmi ralut ciamco in Kachinmi pakhat telawng tang hman sela Kachin State a si thotho”. Mirang Mifim pawl in “Ownership belongs to Historical Facts” anti.
2. Budget Zemawkdaan a Fair thei nawn lo.
Budget hi Cozah in Mipi ih tax hmangin Sate le Division ah a zem sal theu .
Budget hi phun (2) in a then theih.
(a) General Transfer le
(b) Specific transfer ti in a then theih
(a) General Transfer
- Union Cozah in State le Division ih Cozah ( Eg. NLD Chin State Cozah ) pawl kha an mai rem tidan ih hmang dingin Kum khat ah cut zat , kha zat tin a pek mi asi.
- Cozah pi in State le Division Cozah hnen ah an tulnak zawnte ( Eg. Tlawng in , Lamzin ... developments thansohnak ) lawng ih hman ding ah Pekmi men asi.
- Cumi ruangah Chin Party in Uar zet ih kan relmi "Hmuhtheih development lam cu auto in a ra ding" kan tinak arak si.
ziangruangah kan Chin Ram hi a farah bik ringring? Budget kan ngah malbik cuang tinak mawsi? Ziangvek budget si kan ngah theu ?
Specific Transfer Budget lawng kan ngah theu ti sela a suallem lo ding. Cun, Yangon le Mandalay tivek ah cun Company le Industries dangdang an tam ih hnatuantu khal kan tam. Cutin Cozah pi in Tax phun zakip a la lut thei ve. Eg. Thlahlawh (Income tax) .Cuvek ruangah Cozahpi khal in General Transfer budget pek thiang vekah a cang.
Chin mipi in tax kan pek lo ruangah mawsi ? Mipum kan maltuk ruangah mawsi ?
Si cuang lo, Pathian Zarah kan nih khal kan Ram kulh ah Thing Mankhung (Natural Resources) pawl ihsin Union Cozahpi hnen ah Tax a lut ve ko.
A sinan , Chin State Cozah hminin Direct a lut maw , Hmnamdang Company Tender hminin Direct a lut sawn maw tiah a thum aw. Hnamdang Company pawl cun an tax pawl hi Chin State Cozah hnen ah an rak peklo tikah Chin State Cozah in Union Cozah hnen ah tax pek ding a nei mal tuk ih Union khallin Budget malte lawng State ah a pesal theu.
Hi pawl hi Chin State ah Corruption or Informal Payment ( Hnawhthuh ) a um asi len Budget hi duh vekin pek a theih nawn lo. Asia Foundation in Kawlram State le Division laklak ah Chin State hi Informal Payment or Corruption a tambik ati.
Hibang pawl cu ret that, State ih sin a suak mi Lungman khung pawl, Natural Gas pawl, Thing mankhung pawl (Natural Resources) pawl zemawk daan hrim hrim zoh sela Kachin ah khitluk in Lungmankhung a suak nan an State Cozah hrimhrim ih covo a rak mal tuk. 2008 Daan vek cun Central Cozah hnen ah a lut thluh ih cumi lak ah percentage malte lawng State Cozah in an dawng leh sal men theu. Hi vek daan Siava hi USDP le NLD san lai ah thleng an tum reng reng lo. Central ah Cozah si an tum ring ring hi ziangdang a si lo ticu kan kaiban thluh ding ka zum. Coalition Government kan duh lo tiih an au rero hi ziangdang asi lo. Kan ziangkim in lonsak duh ih cumi ihsin an siantawkte pe in kan par ah Bawi vekih um duhnak zawn ah NLD le USDP cu mi bangaw an si kan ti rero naksan asi. Theithiam lo tu Tlangmi pawl cun an mah tellon nung theilo vek ah Daan tenum zetzet hmangin in nekrawk tum rero tihi kan feng a cu tuk zo.
3. Kan Calai thansohnak a nei thei lo.
Hipawl hi Chin Covo kan hloh thluh tiih kan aupit rero mi pawl lak ih mallai tarlang menmi ansi.
Chin mipi kan zaten kan theih dingah ,NLD le USDP in ziangtik hman ah Constitution an thleng lo ding. An mai hrang lawng ruat in an duhmi article cu an thleng tla si thei. Eg Article 59 ……
Ziangah tile 2008 Daanpi hi hman nuam an ti tuk. Eg Journalsit an kaihtheinak article le Union Election Commission ih Daan maksak pawl.
Netabik ah kan mah tlangmi party hi Constitution thleng thei ding ih key player ah kan ra cang lai ding.
One party system a thluntu kan pipu pawl ruang ah kan thuanthu a mawi lo. Kan right pawl kan hloh thluh . Kan nih CNLD cun Chin mipi pawl kha Historical Victim (သမိုင်း တရားခံ) si ter kan duh lo. Mai Ke rori ah kan ding ding cun Mai Miphun Party CNLD rori dinpi in VOTE ciau ding ah ka lo sawm.
Chin mipi in tax kan pek lo ruangah mawsi ? Mipum kan maltuk ruangah mawsi ?
Si cuang lo, Pathian Zarah kan nih khal kan Ram kulh ah Thing Mankhung (Natural Resources) pawl ihsin Union Cozahpi hnen ah Tax a lut ve ko.
A sinan , Chin State Cozah hminin Direct a lut maw , Hmnamdang Company Tender hminin Direct a lut sawn maw tiah a thum aw. Hnamdang Company pawl cun an tax pawl hi Chin State Cozah hnen ah an rak peklo tikah Chin State Cozah in Union Cozah hnen ah tax pek ding a nei mal tuk ih Union khallin Budget malte lawng State ah a pesal theu.
Hi pawl hi Chin State ah Corruption or Informal Payment ( Hnawhthuh ) a um asi len Budget hi duh vekin pek a theih nawn lo. Asia Foundation in Kawlram State le Division laklak ah Chin State hi Informal Payment or Corruption a tambik ati.
Hibang pawl cu ret that, State ih sin a suak mi Lungman khung pawl, Natural Gas pawl, Thing mankhung pawl (Natural Resources) pawl zemawk daan hrim hrim zoh sela Kachin ah khitluk in Lungmankhung a suak nan an State Cozah hrimhrim ih covo a rak mal tuk. 2008 Daan vek cun Central Cozah hnen ah a lut thluh ih cumi lak ah percentage malte lawng State Cozah in an dawng leh sal men theu. Hi vek daan Siava hi USDP le NLD san lai ah thleng an tum reng reng lo. Central ah Cozah si an tum ring ring hi ziangdang a si lo ticu kan kaiban thluh ding ka zum. Coalition Government kan duh lo tiih an au rero hi ziangdang asi lo. Kan ziangkim in lonsak duh ih cumi ihsin an siantawkte pe in kan par ah Bawi vekih um duhnak zawn ah NLD le USDP cu mi bangaw an si kan ti rero naksan asi. Theithiam lo tu Tlangmi pawl cun an mah tellon nung theilo vek ah Daan tenum zetzet hmangin in nekrawk tum rero tihi kan feng a cu tuk zo.
3. Kan Calai thansohnak a nei thei lo.
- Kawl ṭong ih ca an zir tikah nauhak hrang physcho tiang a va siatsuah thluh. Tlawngkai paihlo nak tiang an hmang thluh.
- Teacher kan daih aw lo challenge tampi a um. A sinan kan neih sun upa pawl kha.
- Common language kan neih lo tikah kan hnatuan nak tiang in in siat suah thluh. Kn unau India Mizo pawl cu calai pakhat cmmon an nei ih cumi in Channel pawl Youtube pawl an tuah ih Sumpai tampi an la lut phah. Calai kilhimnak ah khal a tha ih pumcawmawk nak akhal a tha.
Hipawl hi Chin Covo kan hloh thluh tiih kan aupit rero mi pawl lak ih mallai tarlang menmi ansi.
Chin mipi kan zaten kan theih dingah ,NLD le USDP in ziangtik hman ah Constitution an thleng lo ding. An mai hrang lawng ruat in an duhmi article cu an thleng tla si thei. Eg Article 59 ……
Ziangah tile 2008 Daanpi hi hman nuam an ti tuk. Eg Journalsit an kaihtheinak article le Union Election Commission ih Daan maksak pawl.
Netabik ah kan mah tlangmi party hi Constitution thleng thei ding ih key player ah kan ra cang lai ding.
One party system a thluntu kan pipu pawl ruang ah kan thuanthu a mawi lo. Kan right pawl kan hloh thluh . Kan nih CNLD cun Chin mipi pawl kha Historical Victim (သမိုင်း တရားခံ) si ter kan duh lo. Mai Ke rori ah kan ding ding cun Mai Miphun Party CNLD rori dinpi in VOTE ciau ding ah ka lo sawm.
By:
John Khaw Lian Thawng
General Secretary
Central Youth Wing
CNLD
General Secretary
Central Youth Wing
CNLD
Refs:
Himi ca post mi hi CNLD Chairman, Pu Ngai Sak ih “Union Affair Articles “ le Pu Than ih Cabu suahmi pawl sirhsan ih nganmi asi. (2020)