Khuahlan lai ah Saipi le Uite cu rualṭha zet an rak si. Nikhat cu an pahnih ten nau an pai veve thu an simawk. Thlathum a vawn liam ih Uite cun fate 6 a hring. Cui hnu thla 6 aliam lala ih fate a dang 6 a hring lala. Thla 18 a vawn ti cun Uite cun fate vei 3 rori hringin a fa pawl hman ui tum zetzet ah an rak ṭhanglian zo. Nikhat cu a rual Saipi hnenah a feh ih, "Ka rual naupai na tiawk kha na pai ngaingai maw? Kei hmuah nau vei 3 rori ka hring zo ih ka fa pawl hman an upa ṭheh zo hokhaw tiah a sut."
Saipi cun, "Ka rual na thei fianglo mi thu ka lo sim ding maw, tuih ka pai mi nau hi Uite a si lo, Sai hokhaw a si. Kei cu kum 2 ah vei 1 lawng nau ka hring nan, ka fa in lei a dai veten Leilung a hning ih, Ka fa in lamzin a zawh tikah mi hmuahhmuah dingin mak ti zetin an zoh hokhaw. Ka paimi fa cun hmingthangnak le mi ih hmukhawp lomi ropitnak a nei hokhaw." tin a let ve.
Zumtu caan tampi ah, kan thlacamnak rah/aphi kan hngah lo caan ah kan beidong men ṭheu. Midang hmuah thlasuah an dong ih kei hmuah ka thlacamnak rah/aphi ka hngah hrihlo tiin kan ṭhin a nau ṭheu. An thlasuah le na thlasuah don dingmi a bang awla ih a ropi sawn thei. Pathian kutcak hngak tento awla a caan a kim a ti tikah na ruahnak hnak hmanih ṭhasawn in thlasuah a lo burh thei ti kha hniglh hrimhrim hlah. Beidong loin khukbil tento ko aw la Jehovah Jireh in a caan te ah na dilmi a lo pe ding a si.
Hminsin:
Ui cu kum 1 ah vei 2 nau an nei (Thla 3 – 4 hrawng nau an pai)
Sai cu kum 2 ah vei 1 nau an nei (Thla 18 - 22 hrawng nau an pai)
Refs:
StoryCredit: Carol Buckley (Tarra & Bella: The Elephant and Dog Who Became Best Friends)