Russia ram hi leitlun Ram hmuahhmuah lakih tumbik a si ih, Nuclear Power nei tambik khal a si. Leitlun nauthlak (Abortion) tamnak bik a si ih, ramsung ihsin ram dangdang ah mahtei ukawknak (Independance) ngah ih, suah tamnak bik tla a si.
2. TALUK (China)
Taluk Ram hi zunem (deer) tamnak bik ram a si ih, A.D 2,000 ihsin Pursumleilawn nei ṭhabik tla an si. ICT (Information & Communication Technology) lamah thilthar tuah tambik a si. Cun leitlun thil phunphun tuahsuak tambik khal a si ih, thil tuah mi thuhla ah ramdang ih sawisel le relsiat tuar tambik khal a si. Cun milai taksa peng (Mithi zo pawlih taksa, lung, mit, kaileng etc) ruksakawk tambik nak tla a si.
3. INDIA
India hi leitlun mipum tambik le Democracy ram hmuahhmuah lakih tumbik (Party duhduh zat tuah theinak) a si ih, World Bank ih paisa thun tam theibik tla a si. Asinan, kutdawh le mifarah tamnak bik le rampi dan nei tambik khal an si fawn.
4. NEW ZEALAND
New Zealand hi leitlun tikulh ram ih siar hmuahhmuah lakah (Ramkulh 7 Lakih tello) a tumbik ih, Nitin NINU a hmu hmaisabik an si. Leitlun ralpi ah an tel dah lo ih, ramdai le nuambik (Peaceful) khal a si.
5. SAUDI ARABIA
Saudi Arabia hi leitlun ah zinan le datsi lam (Fuel) zuarsuak tambik a si ih, Nunau le Mipa thuhla ih daan nei tambik tla a si. Kumtin mawṭaw cangsual (Accident) tamnak bik khal a si.
6. EGYPT
Egypt Ram hi thuanthu nei hlun bik le hlanlai thilri suah tamnak bik a si.
7. SOMALIA
Somalia Ram hi mipi covo eiruk tamnak bik le tipithuanthum lawng suamhmang misual tamnak bik tla a si.
8. USA (United States of America)
USA cu leitlun miphun zakip um tamnak bik a si ih, biaknak phunphun um tamnak bik tla a si. 2002 ihsin meithal le raldonak thilri zuar tambik a si ih, nauhak kum kimlo thahawknak tamnak bik khal a si.
9. THAILAND SIANGPHAHRANG
Thailand Siangphahrang cu leitlun siangphahrang ṭuantu hmuahhmuah lakah a lian/neinung bik ih, an ram cu hlawhhlang (Harlot) tamnak bik a si.
10. BRITAIN
Britain cu leitlun Ram dangdang rak uk tambik a si. Cun leitlun ram hmuahhmuah lakah rampi dan nei malbik le dan sungih hnihsuak nei tambik khal a si.
Tahṭhimnak ah: "Nunau naupaipawl cun a ṭul dan pohpoh in khuitawk khalah zin/ek an thawh thei ih, a ṭul tahrat a si ahcun palik lukhum sung khalah an thawh thei" ti vek pawl an si.
11. AFGHANISTAN
Afghanistan hi leitlunih bing (Opium) suah tamnak bik a si. Cun Muslim falapawl ceiawkdan "Sanman" bik le nunaupawl hrangih umnak ṭha lo bik khal a si.
12. PAKISTAN
Pakistan cu India thawn ramri thuhla buainak nei reibik ram a si.
13. SOUTH KOREA
South Korea hi lawng tuah tamnak bik a si ih, North Korea cu leitlun Nuclear cahnak tuahtupawl lakih farah bik a si.
14. GREECE
Greece hi leitlunih lehnak lam rak uar thawktu an si nan a lektupawl hi "Sii" ruangih buainak tawng tambik an si. Asinan an calai cu leitlun phunsang tlawng hmuahhmuah ah hmun a nei tambik.
15. BELGIUM
Gelgium hi leitlun ṭog nei tambik an si ih, an ramsung ah anmai ṭong lawng si loin Dutch, French le German ṭongpawl an hmang thei thluh ve. Leitlun ralpi ah Belgium cu ral doawknak hmunpi bik a rak si.
16. CONGO
Congo hi midamlopawl hrangih umnak ṭha lo bik ram a si. Ziangruangah tile Milai 120,000 ab sibawi pakhat lawng an nei.
17. IRAN
Iran hi leitlun ah mawṭaw cangsual (Accident) ruangih thi tambiknak ram a si. Kum 5 sungah milai 100,000 tlun mawṭaw cangsual (Accident) ruangah an thi.
18. MYANMAR
Myanmar hi leitlunih lungmankhung suah tamnak bik, zuar tambik le mankhung bik neitu a si.
19. VATICAN
Vatican hi leitlun ih ram fate bik a si ih (0.19 Square Miles) mipum 807 an um.
20. JAPAN
Japan passport cun leitlun ih thil ti thei bik a si ih ram 193 ah siangnak dil ṭullo (Visa Free) in a lut thei. Leitlun ih larzetmi Fuji Tlang (Mount Fuji) cu Japan ah a um ih 3776m sang a si. Japan hi Nisuahnak Ram (Land of the Rising Sun) tin tla kawh a si.
___________
Refs:
1. Salai Peter Lal Din Thar,"Theihkauhnak: Leitlun ih "Bik" sinak neitu rampawl," SENHRI MEKAZIN, 2009.
2. https://en.wikipedia.org/wiki/Vatican_City
3. https://en.wikipedia.org/wiki/Mount_Fuji