Pathian in leilung hi a duhdawt zet ruangah a Fapa neihsun a pek ih amah a zumtu hmuahhmuah cu thi lo in kumkhua nunnak an co ding.
Introduction
Leiltun ah duhdawtnak tamzet a um ih, Sihmanselha sankhuk/tlaaitluan daih duhdawtnak a um lo. Greek ṭong in larzet ih hman mi duhdawtnak pawl cu Nu le Pa, U le Nau duhdawtnak, Rualpi duhdawtnak, Fala Tlangval duhdawtnak le Pathian duhdawtnak pawl tla an si. Himi duhdawtnak pawl cu hmun ding vek an bang ko nan caṭuan daih duhdawtnak Pakhat lawng a um. Cucu kan Pa Pathian ih duhdawtnak a si.
Greek ṭongfang in duhdawtnak tampi sung ihsin lar deuh pawl cu:
- Agape (ἀγάπη, agápē) - Pathian Duhdawtnak/Catuan daih duhdawtnak
- Philia (φιλία, philía) - Rualpi Duhdawtnak
- Storge (στοργή, storgḗ) - Sung le khat Duhdawtnak
- Eros (ἔρως, érōs) - Fala le Tlangval Duhdawtnak
Johan 3:16 ih in simmi duhdawtnak cu ṭhenthum (16a, 16b, 16c) in kan zoh tlang ding.
1. Pathian in Leilung a duhdawt (v. 16a)
Pathian in leilung hi a duhdawt zet ruangah a Fapa neihsun a pek ih amah a zumtu hmuahhmuah cu thi lo in kumkhua nunnak an co ding.
Himi cafang Pathian in Leilung pi a duhdawt timi ah hi leilung le a sungih a um mi hmuahmuah kan tel ṭheh ih Misual, Mi Ṭhalo, Zuri Sabah, Suamhmang, Zumtu siseh Zumlotu siseh kan tel ṭheh ih cucu ramri neilo Pathian duhdawtnak (Unconditional Love) a kawhhmuh a si. Cui a duhdawtnak cu man ih leiṭul a silo ih Pathian a mah sawn in a fapa neihsun nunnak thawn in tlan a duh ruangah in tuahsak mi le a duhdawtnak a langternak sawn kha a si.
2. Khrih a zumtu pawl hrang duhdawtnak (v. 16b)
Pathian in leilung hi a duhdawt zet ruangah a Fapa neihsun a pek ih amah a zumtu hmuahhmuah cu thi lo in kumkhua nunnak an co ding.
Amah a zumtu hmuahhmuah a timi cun ziang a kawhhmuh kan ti asile, Mi hmuahhmuah a fapa neihsun a pek ko nan Khrih a zumtu pawl lawngih cui a duhdawtnak maksak cu cotu ding kan si thu a fiangter. Pa Pathian duhdawtnak cu ziangvek in ramri neilo in thukin kau hmansehla kan pom ih kan zumlo ahcun zianghman san a tlai zia in hmuh duhnak a si.
3. Khrih a zumtu pawl ih covo (v. 16c)
Pathian in leilung hi a duhdawt zet ruangah a Fapa neihsun a pek ih amah a zumtu hmuahhmuah cu thi lo in kumkhua nunnak an co ding.
Pa Pathian duhdawtnak cu a cohlang ih Jesuh cu in rundamtu le ka Bawipa a si tiih a pawmtu hrangah a co dingmi cu thi lo in kumkhua nunnak a si. Rom 6:23 sungah hitin in sim, "Ziangahtile sualnak ih hlawhman cu thihnak a si; sikhalsehla Pathian ih laksawng cu kanBawipa Khrih Jesuh thawn kan pehzom awknak thawngin kumkhua nunnak a si."
Conclusion
Pathian ih duhdawtnak cu ramri a neilo ih amah a pamtu hmuahhmuah cu ṭhilo in kumkhua nunnak kan ngah dingthu fiangzet in in sim.