Pathian ih thu cu a nungih a cak fawn. Kap hnih hriam ralnam hnak in a hriam sawn. Nunnak le thlarau an tonawknak le hlikhlok le thlik an pehawknak tiang a suntlang thei a si. Milai thinlung ih duhnak le ruahnak tla a thei thluh a si.
1. Pathian thu tampi ngai aw
A. Pathian ṭongkam cu a dik mi a si
Thufim 30:5
Pathian ih ṭongkam pohpoh cu a dik a si; Amah cu humhimnak a hawltu hrangah ralphaw a si.
B. Pathian ṭongkam cu kan zumnak hrampi a si
Rom 10:17
Curuangah zumnak cu thuthang theihnak ihsin a ra ih thuthang cu Khrih kan phuannak ihsin a ra.
2. Pathian thu tampi thei aw
A. Nun lam hruaitu a si
Saam 119:11
Ka thinlung sungah na daan cu ka ret zo, Na parih ka sual lonak dingah.
B. Kan ralthuam famkim a si
Efesa 6:14-16
14 Curuangah khoh zet in ding cia uh: Taikap ai ah thutak kha nan tai ah khap uh; taangphaw ai ah dingnak kha nan taang ah song uh; 15 kedam ai ah daihnak Thuthangṭha phuan hiarnak kha hruk uh. 16 Catbang lo in thirphaw ai ah zumnak kha keng ringring uh; ziangahtile Satan in meiling bangtuk a simi thal ih a lo kah tikah cuih phaw cun nan hmit thei ding.
3. Pathian thu tampi zir aw
A. Zirhawknak hrang a si
2 Timote 3:16
Ca thianghlim hmuahhmuah hi Pathian ih thawkkhummi a si ih thutak zirhnak, zirh sual simfiannak, a sualmi remsalnak ah le ding teih nitin nunnak ih zirhawknak ah a ṭha.
B. Catuan a hmun dingmi thutak a si
Matthai 24:34-35
34 Ciing ṭha uh: Atu san ih a nunglai mi hmuahhmuah an thih ṭheh hlanah hi thil hmuahhmuah hi an kim ṭheh ding. 35 Lei le van cu an cemral ding nain ka ṭongkam cu a cem dah lo ding.
4. Pathian thu a takin hmang aw
A. Nitin ih hmang suak
Saam 119:105
Na thu cu ka ke hrangah mei-inn a si ih,
Ka lamzin hrangah tleunak a si.
B. Na nunnak ah mi-in hmu seh
1 Korin 11:1
Khrih nundan ka cawn vekin nannih khalin i cawng ve uh.
Matthai 5:13-14
Cite Le Tleunak13 “Nannih cu mi phunkip hrangah cite nan si. Sihmansehla cite cu a alnak a ziam asile altersal a theih nawn lo. Ṭhathnemnak zianghman a neih nawn lo ruangah hlon ding le pal men ding lawng a si.
14 “Nannih cu leilung pumpi hrangah tleunak nan si. Tlang parih tohmi khua cu thuh a theih lo.