"Milai fapa cu a hlomi hawl ding le rundam dingah a ra," tiah a ti.
1. Thinlung rundam kan si
A. Sibik ruatawknak/Caponak
Thufim 16:18
Hngalnak in siatralnak a thlenter; Porh awknak in tumsuknak ah mi a hruai.
B. Thintawinak/Thinrangnak
Thufim 14:17
Mi thintawi pawl cu at-hlawh zetin an tuah; Asinan mifim deuh pawl cu tangdor in an um.
C. Duhhmanak/Mai sinak ah lungkim lo nak
Thusimtu 5:11
Tangka duhtu cu saduhthah in tangka a nei dah lo ding; tangka lawnglawng a ruattu cun ziangzat a miat khal le a mal tuk a ti ringring ding. Cukhal zianghmanlo a si.
Matthai 6:24
Zokhal in bawi pahnih a rian thei lo. Pakhat a duh dingih pakhat a hua ding. Pakhat hnenah rintlak zetin a um dingih Pakhat cu a hmuhsuam ding. Pathian le tangka nan rian thei lo ding.
2. Taksa rundam kan si
A. Zangzelnak/Thlahdahnak
Semtirhnak 2:5
Bawipa Pathian in lei le van a tuah ṭheh tikah lei parah thing le hrampi a um lo; thlaici keuh ding khal a um hrih lo; ziangah tile Pathian in ruah a surter hrih lo. Leiram ṭuantu dingah milai khal an um hrih lo.
Thufim 12:24
Hnaṭuan taimaknak in uknak huham a lo pe ding ih, zaangzelnak in sal ah a lo canter ding.
Thufim 19:15
Zaangzel in na it ringring men a sile, na riil a rawng ding.
B. Tisa duhnak
1 Korin 3:16
Nannih cu Pathian biakinn nan si ih a Thlarau nan sungih a um kha nan thei lo maw?
Galati 5:16
Ka sim duhmi cu hiti in a si: Thlarau in nan nunzia a uk a si ahcun minung tisa hiarnak cu a di nan riamter lo pei.
Galati 6:8
Tisa duhnakih a tuhtu cun thihnak a khawm ding; Thlarau duhnakih a tuhtu cun kumkhua nunak a khawm ding.
3. Thlarau rundam kan si
A. Sual ngaithiam kan si
1 Peter 2:24
Khrih in amah ih taksa rori in kan sualnak cu thinglamtah ah a thlenpi zo ruangah kannih cu sualnak ahcun mi thi kan si ih dingnak sungah a nung dingmi kan si. Amah ih hmaa ruangah damnak nan ngah zo.
B. Kumkhua nunnak kan co
Titus 3:7
Cumicu a zangfahnak ruangih Pathian thawn kan remawk theinak dingah le kan ruahsanmi kumkhua nunnak cu kan ta a si theinak dingah a si.
C. Pathian fanu/fapa a rocotu
Galati 3:26
Rinnak thawngin nan zatein Pathian ih fa nan si ih Khrih Jesuh thawn nan pehzom aw zo.
Galati 4:7
Cuti a si ruangah sal nan si nawn lo; fa nan si zo! Cutiin a fa nan si ruangah Pathian in a rocotu ah a lo tuah zo.