Zohman in mah ih ṭhathnemnak lawng ruah ding a si lo; midang ṭhathnemnak ruah ding a si sawn.
Filipi 2:4
Filipi 2:4
Nanmah duhnak lawng si lo in midang in an hrangah a thupi bik ih an ruahmi kha a hmuh zia thiam ve uh.
Matthai 16:25
Ziangahtile zokhal mah nunnak hum a duhtu cu a nunnak a sung ding; asinain keimah ruangah a nunnak a liamtu cun a nunnak a hum ngah ding.
Matthai 16:25
Ziangahtile zokhal mah nunnak hum a duhtu cu a nunnak a sung ding; asinain keimah ruangah a nunnak a liamtu cun a nunnak a hum ngah ding.
Vui (Elephant)
Vui pawl hi ramsa mak zet pakhat an si ih, Vui nupa tihal zet cu tidai umnak an thleng tikah Vui Nu (Female Elephant) cun cui tidai cu khawp zetin a in hmaisa ṭheu ih Vui Nu (Female Elephant) a in ṭhehhnu lawngah Vui Pa (Male Elephant) in cui tidai cu a in ṭheu a si.
- Cucun ziang in zirh ti asile, tangdornak le duhsak thiamnak a si. Zohṭhimtlak zetmi ramsa pakhat tin ka ruat.
Kiosa (Lion)
Kiosa pawl tla ramsa mak zet le ṭihnung zet an si nan nunphung an rak nei ve. Kiosa nupa an umtlang a si le Kiosa Nu (Lioness) in sa a pel ṭheu ih, ei ding Ramsa a ngah veten Kiosa Pa (Lion) hnenah a rak thiar ih Kiosa Pa (Lion) in a ei ṭheh hnu lawngah Kiosa Nu (Lioness) cun cui a pa in ei bang a ei ṭheu a si.
- Cucun ziang in zirh ti asile, mah hnakih mi hrang ruat sawn tule mi zahthiam/upat thiam nun daan hi a si.
Zawng (Monkey)
Zawng pawl hi minung thawn bangawk zetmi ramsa an si ih, Bigbang Theory zumtu pawl cun minung suaknak rori ah hman an rak zummi a si. Zawng pawl hi a rualrual ih um ramsa an si ih, an duhdawt aw daan hi milai vek rori an si ve. Zawng pawl hi nau an nei zik tikah hmunkhat te ah an um khawm ve ṭheu ih, nau a suak veten an pek song aw vivo ih a pi nu ih damṭhat hlanlo hnawiti an pe song aw vivo ṭheu ti a si.
- Cucun ziang in zirh ti asile, harsatnak kan ton caan ah pakhat le pakhat bawm aw ton ih zohkhen awk ding kan si zia pawl in hmuhter.
Sihte (Ant)
Sihte nun tla danglam zet a si ve. Thilthlum umnak kip ah an rak thleng man vivo ve ṭheu ih lungrual zetin a feh tlang vialvo kan hmu ṭheu ko ding. Zohman cuhhelh ciamco an um dah fawn lo. An theih pa tawp in an thiar ih an phur thei lo asile an zawn aw vialvo ṭheu a si kha.
- Cucun ziang in zirh ti asile, lungrualnak le hamṭamnak umlo ih ṭuan tlang ding kan si zia in hmuhter. Mi pakhat ih a ti thei lomi kha kan bawmawk vialvo a si le cang theilo a umlo zia a langter.