A tuih caan ih harsatnak kan tuarmi hi kan hnenih a lang lai dingmi sunlawinak thawn cun tahṭhim tlak ah ka ruat hrimhrim lo.
Caan tampi Zumtui kan nun ah harsatnak le beidongnak kan ton tikah, ziangruangah mi hmuah an dam an ṭha kan nih ngelcel kan damlo, kan harsa tiin vuivai caan kan nei cio ding tin ka zum. Damlai caan ih thazang pekaw cu a rak olsam zet ṭheu nan, mah rori ih vawn tep cun a rak olai lo zia cu a tep tu pawl in kan thei cio ka zum.
Asinan,
ziangruanah tuarnak le harsatnak pawl kan parah a thleng ṭheu ticu Ca Thianghlim in in rak sim cia ṭheh. Paul khal Pathian rinsan ih a rian rak ṭuan rero tu a sive ko nan, a parih thil thleng ruangah Pathian hnenah a vuivai tikah Bawipa cun,"Ka zangfahnak na hrang a tawk," tiin a let a si kha.
1. Sir-awknak (Luke 13:4-5)
"Siloam hmunih donhleisang a tluuk tikah minung hleiriat a nenthatmi pawl thu kha teh ziangtinso nan ruat? Cutiih an thih ruangah Jerusalem ih a ummi midang pawl hnakin an sual cuang a si, ti a langter tiah nan ruat maw si?"
"Siloam hmunih donhleisang a tluuk tikah minung hleiriat a nenthatmi pawl thu kha teh ziangtinso nan ruat? Cutiih an thih ruangah Jerusalem ih a ummi midang pawl hnakin an sual cuang a si, ti a langter tiah nan ruat maw si?"
2. Rinsannak (2 Korin 1:8-9)
8 U le nau pawl, Asia ram ih harnak kan tuarmi lo theihter kan duh. Kan parih suanmi thilrit cu a tum ngaingai ih tlunah a rit zet fawn ih nung ding hmanah kan ruat aw nawn lo. 9 Thi dingih thurel cia mi kan si, tiin kan ruat aw. Sikhalsehla hibangtuk ih thu a rak um cu kanmah le kanmah rinsan aw lo in thihnak ihsin mi a thotersaltu Pathian kan rinsannak dingah a rak si sawn.
3. Dingfelnak (Hebru 12:6, 10-11)
6 Ziangahtile Bawipa in, a duhdawtmi cu nun a sim ih, fa ih a cohlanmi cu a hrem ṭheu a si.
10 Kan pale pawl cun a ṭha tiin an ruat ruangah caan tawite sungin hrem; sikhalsehla Pathian cun kanmah ih ṭhatnak hrangah le amah ih thianhlimnak kan ṭawm theinak dingah in hrem a si. 11 Hremnak kan tuar tikah kan tuar lai ahcun kan lung in awitertu si lo in kan riah in siattertu a si. Sikhalsehla a hnu ahcun cubangtuk hremnak in nunsimnak a tongtu pawl cu an nunnak ah daihnak le dingnak laksawng an ngah ding.
4. Lawmman (2 Korin 4:17)
Cule harsatnak caan tawite sung kan tonmi tete hin a let tampi in kumkhua sunlawinak in pe ding.5. Ruatsal/Mangsal tertu (Filipi 3:10-11)
10 Ka duhmi cu Khrih le a thawhsalnak ih cahnak kha tep ve sehla, a tuarnak le a thihnak khalah tel ve sehla, 11 cutiin thihnak ihsin nunnak ah thawhtersalmi si ve dingah ka ruahsanmi cu a si.
10 Ka duhmi cu Khrih le a thawhsalnak ih cahnak kha tep ve sehla, a tuarnak le a thihnak khalah tel ve sehla, 11 cutiin thihnak ihsin nunnak ah thawhtersalmi si ve dingah ka ruahsanmi cu a si.