Nupi ṭhathum khi ziangtluk in a ngah a har! Ruby lungvar mankhung hnakin a man a nei deuh!
Introduction
Ruby lungvar cu ziangvek a si?
- Ruby lungvar (Ruby Daimond) cu Latin ṭong in a ra.
- Latin ṭongfang "Ruber" cu "A Sen" tinak a si.
Ziangah Ruby lungvar kherkher a hman?
- Ruby Lungvar man khung tampi (Ametheyst, Sapphire, le Emerald) sung ihsin mi tampi ih mawi le uar zetmi a si. Asinan, hmuh le ngah a harsazet mi lungvar mankhung phunkhat a si.
1. Pathian nung a thei mi (2 Siangphahrang 5:1ff)
Naaman Ralbawipa thu:
Himi thu kan sim tinten Naaman Ralbawipa ih damnak uar deuh in kan sim tlang pi ṭheu. Asinan, a damnak dingih lamzin khawhhmuhtu le simtu kha Israel ihsin an kaih mi hnenum nute kha a rak si (2 Siangphahrang 5:2)
2. Pathian a ṭihzah tu (Esther 2:1ff)
Siangphahrang Bawinu Esther thu:
Esther cu Persia Siangphahrang Xerxes ih Nupi a si hnuah Haman ih phiarnak ruangah Siangphahrang Xerxes hmin in Judah miphun hmuahhmuah an ci ih hmih thluh dingin thupek a si. Asinan, Siangphahrang Bawinu Esther ruangah Judah miphun hmuahhmuah cu thihnak ihsin luatnak an co sal.
3. Pathian a rinsan tu (Suahlannak 2:1ff)
Moses ih nu Jochebed ih thu:
Jochebed cu Levi miphun a si ih, Israel mipawl Egypt salih an tang laiah Fapa mawizet neitu a si (A fapa cu Moses a si). Cu-laiah Faro siangphahrang cun Hebru mipawl an karh caktuk a hmuh tikah in thinphang in Hebru nunau ih hrinmi fapa hmuahhmuah cu Nail tiva sungah hlon dingin thu a pek (Suahlannak 1:22).
4. Pathian thulungnun a neitu (Luke 1:26-38)
Jesuh hringtu nu Mary thu:
Judah daan hnget le khoh zet cu ṭih loin "Bawipa na saalnu ka si, na duh vekin i hmang hram aw," tiih Pathian thulung nun a neitu Mary ruangah Leitlun ah rundamnak sunglawi kan co ih Pathian ih a tumtahmi hlawhtling dingih hmanrua ah a cang. Tuini tiang Mary thu kan sim bang hrihlo mi thuanthu mawi ngantu ah a rak cang ta.
5. A ṭha zawngih thil thlir thiamtu (Matthai 15:21-28)
Kanaan nunau nu thu:
Hming nganin mi larzet a si lo nan, innsang damnak thlentu Kanaan nunau nui nunnak cu zohṭhim a tlak rori. Jesuh le a dungthluntu pawl ih anka, hmuahsuam le nautatnak pawl cu thinnatnak ah hmanglo in zumnak thawn Jesuh a pan tento nak ruangah a fanu damnak a ngah sal.