Thufim 16:3
Bawipa ih hnenah na nunnak pe aw; Amah rinsan awla a lo bawm ding.
Zumtu mipiangtharpawl in Pathian rawn ta loih thil kan tuah/kan cangviahnak kipah buainak, ṭahnak, thihnak le lungzurnak a thleng ṭheu. Ca thianghlim sungah kan tuah mi ziangtinkim ah a mah rawn hmaisa ta ringring dingin in forhfial a si kha. Pathian rawn loih thiltuah/cangvaitu a ṭihnung zia, Zumnak ih kan pa a simi Abraham nun ah fiangzet in in hmuh ter a si.
1. Abraham cun Pathian rawn ta loin thu a sim (Sem 12:14-20)
Rinnak ih kan pa Abraham in Pathian rawn loin amai ruahnak rinsan tahrat in him a tum tikah, Cui amai ruahnak cun a nun ah buainak a thlen ti kan hmu thei. Pathian rawn ta loin amai sa himnak hawl in a nupi Sarah cu ka farnu a si tiah, Pharaoh a bumnak ruangah a duhdawt zetmi a nupi Sarah cu Pharaoh in a nupi dingah a lak sak. Cutikah, Abraham cu zanvar it hman that thei loin thinbang le riahsia in a um. Cuvekin, Pathian thurawn ta loih kan thluak fimnak le thinlung ruahnak menmen rinsan ih kan cangvai tikah reilo te sung cu himnak le hnangamnak in pek vek abang ko nan, a netnak ah buainak le harsatnak in a thlun ringring a si ti fiangten kan hmu thei a si.
2. Abraham cun Pathian rawn ta loin a Nupi Sarah thu a ngai (Sem 16:1ff; 21:9ff)
Zumnak/Rinnak ih kan pa a simi Abraham cu Pathian ih a tiamkam cia mi hngak thei loin a Nupi Sarah ih thurawn mi sawn a thlun ih a salnu Hagar thawn an it tlang. Cui a thil tuah mi cun Ismael a hring suak. Pathian in remruatmi silo in, an mai ruahnak le ṭha timi an thlun nak ruangah caan a hung rei cun a fapa Ismael le a salnu Hagar cu dawisuak a ṭul ta riai.
Pathian rawn ta bang sehla, hivek thil duh umlo a cang lo men ding nan. Tuini tiang an tefasin pawl hman remawk thei loin an raal awk phah a si. Ziangtinkim kan tuah kan ṭuannak ah Pathian a hmaisa bik ah thurawn thiam ringring tu le ziangvek dinhmun kan si hmanah thlasuah pe theitu hngilhlo a poimawh ngaingai a si.
Abraham nun zoh in, Pathian thurawn loih kekar/cangvaih a ṭihnung zia kan hmu/thei vekin, Zumtu kan nitin nunah Pathian rinsan ih a mah pan hmaisa ringring tu si dingah Bawipa in mal in sawm hramseh.
1. Abraham cun Pathian rawn ta loin thu a sim (Sem 12:14-20)
Rinnak ih kan pa Abraham in Pathian rawn loin amai ruahnak rinsan tahrat in him a tum tikah, Cui amai ruahnak cun a nun ah buainak a thlen ti kan hmu thei. Pathian rawn ta loin amai sa himnak hawl in a nupi Sarah cu ka farnu a si tiah, Pharaoh a bumnak ruangah a duhdawt zetmi a nupi Sarah cu Pharaoh in a nupi dingah a lak sak. Cutikah, Abraham cu zanvar it hman that thei loin thinbang le riahsia in a um. Cuvekin, Pathian thurawn ta loih kan thluak fimnak le thinlung ruahnak menmen rinsan ih kan cangvai tikah reilo te sung cu himnak le hnangamnak in pek vek abang ko nan, a netnak ah buainak le harsatnak in a thlun ringring a si ti fiangten kan hmu thei a si.
2. Abraham cun Pathian rawn ta loin a Nupi Sarah thu a ngai (Sem 16:1ff; 21:9ff)
Zumnak/Rinnak ih kan pa a simi Abraham cu Pathian ih a tiamkam cia mi hngak thei loin a Nupi Sarah ih thurawn mi sawn a thlun ih a salnu Hagar thawn an it tlang. Cui a thil tuah mi cun Ismael a hring suak. Pathian in remruatmi silo in, an mai ruahnak le ṭha timi an thlun nak ruangah caan a hung rei cun a fapa Ismael le a salnu Hagar cu dawisuak a ṭul ta riai.
Pathian rawn ta bang sehla, hivek thil duh umlo a cang lo men ding nan. Tuini tiang an tefasin pawl hman remawk thei loin an raal awk phah a si. Ziangtinkim kan tuah kan ṭuannak ah Pathian a hmaisa bik ah thurawn thiam ringring tu le ziangvek dinhmun kan si hmanah thlasuah pe theitu hngilhlo a poimawh ngaingai a si.
Abraham nun zoh in, Pathian thurawn loih kekar/cangvaih a ṭihnung zia kan hmu/thei vekin, Zumtu kan nitin nunah Pathian rinsan ih a mah pan hmaisa ringring tu si dingah Bawipa in mal in sawm hramseh.