Saam 147:5
Kan Bawipa cu a nasami le a maksakmi a si; A thil theih thei zia cu tah theih ding rual a si lo.
Pathian pan uhla a lo pan ve ding. Nannih misual pawl, nan kut kholhfai uh. Nannih mi-titer aw pawl, nan thinlung thiangter uh.
Nikhat cu Nauhak pate in a pa hnenah "KA PA, PATHIAN hi ziangtluk in a tum" tiah a sut. A pa cun vanlam a zoh ih a fapa hnenah "Ka fapa vazam khi vawn zohhnik ziangtluk in a tum" tiah a sut ve. Cutikah Nauhak pate cun "Khi Vanzam cu a va fate ve ka hmu thei ceu" tiah a let. A pa cun Vanzam ṭumnak (Airport) ah a hruai ih a fapa hnenah "Ka fapa vanzam khi vawn zohsal hnik ziangtluk in a tum" tiah a sutsal. A fapa cun "Vanzam cu a rak tum tak si maw" tiah mangbang zetin a let. Cutikah apa in PATHIAN tum le tumlo cu Vanzam vek a si tiah a sawn.
Himi thuamthu te zoh in Zumtu kan nun ah PATHIAN thiltitheinak le a tumzia theih dingah ral hlapi ihsin vawn thlir cun kan thei dahlo dingih kan hmu fawnlo ding ti in fiangter. Kan hmuh hmanah a te ngaingai in kan hmu ding. Vanzam cu a hlatpi in vawn thlir cun a fate zet a bang nan, Naiten vawn zoh cun a tum ngaingai bangin, PATHIAN tla naiten a mah thawn kan feh ih a kiangah, a thu sungah kan um lawnglawng ah a tumzia le a thiltithei zia kan thei dingih a kut-cak cu a tak rori in teptu le hmutu kan si ding a si.
PATHIAN tumzia le a thiltitheinak na thei duh asile a mah naih in a thu sungah nung awla amah thawn feh tlang ringring aw. A ṭhatnak, a thiltitheinak, a humham le a tumzia na fiang vurvi ding a si.
Himi thuamthu te zoh in Zumtu kan nun ah PATHIAN thiltitheinak le a tumzia theih dingah ral hlapi ihsin vawn thlir cun kan thei dahlo dingih kan hmu fawnlo ding ti in fiangter. Kan hmuh hmanah a te ngaingai in kan hmu ding. Vanzam cu a hlatpi in vawn thlir cun a fate zet a bang nan, Naiten vawn zoh cun a tum ngaingai bangin, PATHIAN tla naiten a mah thawn kan feh ih a kiangah, a thu sungah kan um lawnglawng ah a tumzia le a thiltithei zia kan thei dingih a kut-cak cu a tak rori in teptu le hmutu kan si ding a si.
PATHIAN tumzia le a thiltitheinak na thei duh asile a mah naih in a thu sungah nung awla amah thawn feh tlang ringring aw. A ṭhatnak, a thiltitheinak, a humham le a tumzia na fiang vurvi ding a si.