Nangmah ruangah na nunnak a him maw?
Nangmah ruangah na innsang an him maw?
Nangmah ruangah na sungkhat an him maw?
Nangmah ruangah na khawpi an him maw?
Nangmah ruangah na ram a him maw?
❌ Adam sualnak ruangah leilungpi in ansia/camsiatnak kan tuar.
❌ Akhan sualnak ruangah a innsang parah thihnak raptlak a thleng.
❌ Ananias te nupa thuphan an sim nak ruangah an pahnih in a thi cih a si kha.
Asinan,
✅ Jesuh ruangah leilungpi in ansia/camsiat cozo mi kumkhaw nunnak kan co.
✅ Moses ruangah a miphun/Israel mipawl Egypt sal tannak ihsin an luat.
✅ Rahab Hlawhhlang nu ruangah a innsang in luatnak an co.
✅ Canaan nuhmeinu zumnak ruangah a fanu in damnak a co.
✅ Cross parah a thi cuahco nan Jesuh rak zumtu Misual Dismas cu rundamnak a ngah riai.
Nangmah ruangah mi in thlasuahnak, thazang laknak le nun dintharnak a ngah thei nan; Nangmah ruangah midang an tlusia thei, an tha a nau thei, an nun tiang a siatsuah thei kha hngilh hla.
Matthai 5:13-14 sungah zumtu nang le kei cu hi leilungpi ih Cite le Mei-inn kan si ti kha kan hngilh lo pei. Na theih lo hlan in midang hrang thazang laknak na rak si ziar thei ti kha thei ringring aw. Mi in kan anka hnak in kan nundaan an zoh sawn ruangah felfai le rintlak tein um zuam cio uh si.