🍁 Tiva cu a luang tam poh le tidai a fai sinsin ih;🌿 Zumtu Pathian ṭihzahtu cu luangliam ih luangsuak nun kan neih a ṭul (Galati 6:9). Kan luangsuak tam poh le kan nun a thianghlim sinsin dingih midang hrang in tlak nun le zothimtlak nun kan nei ding a si (Matthai 5:16).
🍁 Tiva cu a niamnak lamah a suk zawngin a luang ringring theu.
🌿 Zumtu cu tidai bangin tangdornak nei ih phahniam aw tahrat in midang riantu ding kan si (Mark 10:41-45). Daanthiam Farasi pawl vek ih Hngalhngawngnak, caponak le iksiknak thawn a khat mi zumtu cu hnuktlak/ṭhum an si ding tiah Ca Thianghlim in in sim (Matthai 23:1-12).
🌿 Tangdornak nun thawn midang hrang luangsuak nun neitu kan si theinak dingah Pathian in thlasuahnak in pek hramseh.