3 Na mit sungih thingtum hman poisa lo in na unau mit sungih mithnawm fate kha ziangahso na poisat? 4 Na mit sungah thingtum a um nacingin ziangtinso na unau cu ‘Na mithnawm ka lo coih sak ding,’ tiih na ti thei?5 Mititer aw pa! Na mit sungih thingtum kha suah hmaisata awla cuticun na unau mit sungih mithnawm cu fiang tein na hmu thei dingih na coih sak thei ding.
Leitlun nunah siseh, thlarau nunah siseh kan ṭhangsonak in dodaltu tampi an um. Cui pawl lak ihsin mallai ka vawn tarlang ding:
📌 Tulai zumtu cu midang nunah kan buai tuk nak ah kan mai nun rianri kan thlahthlam ngah ṭheu.
🍃 Kan ṭhangsonak in dodaltu a si ti kan theifiang a ṭul.
📌Midang tlinlonak kan hawltuk nak ah kan tlinlonak remṭhat kan man nawn lo ṭheu.
🍃 Kan ṭhangsonak in dodaltu a si ti kan theifiang a ṭul.
📌 Mi Innsang um daan kan ngaihsak tuk nak ah kan innsang nu le pa, fa le nau kan buaipi man lo ṭheu.
🍃 Kan ṭhangsonak in dodaltu a si ti kan theifiang a ṭul.
India rampi luatnak ngah dingih a sualsuaktu
Mahatma Gandhi cun:
"Leilung pi thleng danglam na duh asile
Na nun kha thleng hmaisa aw." tiah a rak sim.
Zumtu Mai nun zohfel hna thiamlo le mai innsang ṭhansonak bahhlah ko ih midang nun buaipi ciamco hi kan ṭhansonak dodaltu tumzet a si.
Kan kiangkap, pawlkomnak, kohhran le kan ram a dam nak dingah pumpak nunah kan lungput le ruahnak kan thleng danglam a ṭul. Bawipa theithiamnak in pe hramseh.