Caan tampi ah Kawhhran ah thupitter dingmi thupitter loin thil dangdang ah kan buai ṭheu hin kan kawhhran ṭhansonak a bahlahter ih hlei ah ṭumsuknak tiang a thlen thei ti kan hngilh lo a ṭha. Kawhhran in kan thupitter dingmi taktak kan theifiang ih tuah a ṭulmi tuah hmaisanak cang kan thiam a si le, kan kawhhran le member zaten taksa, thinlung le thlarau in kan ṭhanso ding a si. A tangih taarlanmi pawl hi kawhhran tampi ih kan thupitter mi pawl an si pang ṭheu.
- Kawhhran sungih mi harsa hnakin hmun hla ih mi harsa bom ding thupiternak.
- Kawhhran sungih ruunsuah ṭulmi hnakin hmun hla ih midang ruunsuah thupitternak.
- Thlaraulam cangvaihnak hnakin taksa cangvaihnak thupitternak.
- Kawhhran sungih Pastor hnakin, lenglam mikhual (Pastor le Evan) thupitternak.
- Kawhhran kilkhawitu Pastor parah tirhfak zet ih, mikhual parih ui neilo ih tirhsiang.
- Vancung member tam ding hnakin, leitlun member tam ding thupitternak.
- Pathian le Bible hnakin, Kawhhran daan le duun thupitternak.
- Ruundamnak hnakin, thu dangdang thupitternak.
- Kawhhran sung thlacamnak hnakin, program dangdang thupitternak.
- Kawhhran thlarau nun ṭhansonak hnakin, taksalam (Building le thliri) ṭhansoh ding thupitternak.
Pathian a duhnak theithiam ih a thupi mi sawn tuah hmaisa ringring theitu si dingah Pathian in theithiamnak in pek hramseh.
Refs: Rev. Joel Lalcungmang, "Kawhhran in a diklo zawngih kan thupittermi," Nun Thlalang: 1st Edition, p. 43-44.