Zumtu ramsa nun ihsin kan ralrin le zir ṭulmi thil tamzet a um ve ṭheu. Thilṭha zirding tampi a um vek ṭhianṭhian in thilsia zohding khal tampi a um ve thotho. Zumtu ti aw ve nan nun ih langlo zumtu kan tam vivo ih zumlo tu vekih nung dualdo tla hmuh ding a tam vivo. A sia lam zawngin raalrin kan ṭulmi ramsa nun ihsin zumtu thenkhat nun ih a um thei mi nun daan pawl ka rawn taarlang ding.
1. Laiking (Lizard)
Laiking cu a duhduh caan ah a rawng (Colour) a thleng rero ṭheu.
A ṭul daandaan ih thleng-aw dualdo, zumnak (thurin) ah siseh, Nitin nun daan khal ih fumfe lo, thleng-aw dualdo nun hi, Laiking nun a si.
2. Tlangak (Raven/Crow)
Tlangak cun sa sia le ramsa thi le thu umnak hmun i piang ah an um ṭheu ih, sa thar hawl lo in ramsa thicia an ei ringring ṭheu.
Rawl thar ei tum lo, rawl uih (Rawlṭhing) lawnglawng ei, mah ih rawl thar hawl le ei tum lo nun hi, Tlangak nun a si.
3. Cangvat (Leech)
Cangvat cun ziangtin mi thi ka zuk ding tile, ziangtin ka puar ding tilo cu ruahmi le tumtahmi zianghman a nei lo.
Midang pek le bom lam hnakin, ziangtin ka ngah ding ti ta rori ih buai rero le duhhamnak thawi khat hi, Cangvat nun a si.
4. Rul (Sneak)
Rul cu zoh men ah a dai ziarzi nan caanṭha a nei veten mi cuk ding le mi keu ding lawng a ruat.
Hitin zohnak ah dai ziarzi vek si, tursia nei (thinlung sia le thuptein zia ṭha lo nei) le caanṭha nei tinten mi cuk ding hawl (Caanṭha nei tinten midang sualnak hawl ringring/midang caklonak hawl ṭeuṭeu) nun hi, Rul nun a si.
5. Butlak (Frog)
Butlak cu an mai umnak tili cu ṭhabik, nuambik le kaubik ah an ruat ṭheu.
Mah ih umnak lawng ṭhabik, mah ih hmuhnak lawng kaubik, mah ih thiamnak lawng filawrbik, mah lawng sibik ih ruat hi, Butlak nun a si.
Mah ih umnak lawng ṭhabik, mah ih hmuhnak lawng kaubik, mah ih thiamnak lawng filawrbik, mah lawng sibik ih ruat hi, Butlak nun a si.
6. Vok (Big)
Vok cu ziangvek in daibual in thianfai awla reilo te ah a duhduh in a nung ding ih ciarbek lak ah nuam a ti thotho ding.
Kolhfai khal le a rei hlan ih baal rero sal, piangthar ti aw ih mah keel ih nung rero saal hi, Vok nun a si.
7. Uico (Dog)
Uico cu rawl asilole saruh pakhat te ruangah nasa zetin an sual aw an keu aw ṭheu.
Zianghman reltlak lo thil thu men ah pakhat le pakhat keu-aw, el-aw, sual-aw man ringring hi, Uico nun a si.
Ref: Rev. Joel Lalcungmang, "Nun Thlalang: 1st Edition", (Kalaymyo, 2020), p. 109.