.jpg)
Mai' thu lawng duh, midang thu ziangsiar lo pawl an si. Hamthatnak le hlawknak a um ahcun hminsiat thangsiat khal poi lo hruaitu an si. An duhmi a kim hlanlo/an hngah hlanlo, el-awk a tul khalah el rero paih pawl an si.
2. UARAWKNAK (Prideful)
Tuah cia, tuah kel lawng tuah rero ih tha ti men pawl an si. Mai duhdan le tuahdan lawng thabik ih ruat pawl an si. Hlanlai ih an tuah theu mi pawl ruangah hmailam pan theilo ko ih kawhhran thansonak khamtu pawl an si.
3. HNGET TUK (Rigid)
Mai' ruahdan/Tuahdan le pomdan lawng dik le tha ih ruattu pawl an si. Kan tuahdan, kan ruahdan ti lawnglawng ih mi neh le thlengawk khal tumlo lawlaw pawl an si.
4. THLIAR AWKNAK (Cliquish)
Mi thar in hruaitu a tlin tikah hruaitu hlun pawl a hran ih umkhawm uar, phiarawk ih hruaitu thar ziangsiarlo ih um hmang pawl an si. Mi thar pawl cu zianghman an thiam lo ding ti phun ih zianghman siarlo, thlun khal tumlo, bawmkhal tum cuanglo pawl an si.
5. MI NAMNUAI (Bullying)
Thuhla a um tikah mai' duhnak ih namnuai, member pawl ziangsiar loih namnuai hmang. Mi dang simmi le relmi ziangsiarlo le ngai duh lo pawl an si.
6. TIRHFAKNAK (Stingy)
Kawhhran in hna tha tuan ding hnakin sumpai balance tampi umter duhtu, sumpai khawl lawng duh ih hmang siang lo. Kawhhran thansonak, Lungrualnak le thlarau lam thansonak hnakin sumpai tam nei ding zuam sawn pawl an si.
7. DIK LONAK/SIATRALNAK (Depraved)
Sual cu sual lo vekih thup, sual lo kha sual vekih canternak. Mai duhmi hmuah tha lo tla le tha tiih neh teuteu tum, mai duhlo mi asile thil tha khal tuah tum cuanglo pawl an si.
Kawhhran thansonak doldaltu, khamtu le hnukthlatu kan si ding a phan umzet a si. Pathian thu ah a thangso mi le Pathian ram hrangih thinlung tak ten a tuantu kan si a poimawh zet a si.