KUM (40) HRANGAH KUM (80) TIMTUAHTU

🌿 Moses cu kum (40) a mi Israel pawl hruai dingah Pathian in kum (80) sung rori timtuahnak le tuaitharnak a neiter.
✅ Kum (40) sung rori siangphahrang inn ah Lal/Bawi dinhmun ah Pathian in a ret.
✅ Kum (40) Egypt ram siangphahrang inn ropi ihsin Median thlaler ram ah a niam bik mi tuukhal hna a ṭuan.

📌 Vuihram lo ten Kum (80) liangluang Pathian kutcak tangah a um ih Pathian in a caan a kim tikah a mi Israel mi pawl hruai suaktu dingah a ko. Egpyt ram a umlai ah fimthiamnak a nei ko ding, siangphahrang cang bang sehla a mi pawl a hruai thei thotho ko ding nan, Pathian in a hrang a tumtahsakmi sawn a thlun tikah hruaitu tangdor le mi zawnruat theitu ah a cang.

🎯 Tuih na dinhmun hi Egypt ram ih Moses a umlai vekin na nuam lai tak a si men thei, asilole Median thlaler ih a um lai bangin a har fualfo lai a si men thei fawn. Pathian in kan hrang a ṭhabik a timi dinhmun ah in ret a si ti thei awla, a caan a kim tikah Pathian in in khaisang leh ding ti hnget zetin zum aw (1 Pet. 5:6).