NUPI PAWL IH DUH CUANGMI (5)

1 Korin 7:3
Mipa in pasal a sinak ṭuanvo cu kimter sehla nunau khalin nupi a sinak ṭuanvo cu kimter ve seh; an pahnih in an ṭulnak fingfing ah diriamter ton aw hai seh. 

Nupi pawl ih duhmi sim ding ngaingai cun cahnah in a daih lo men ding. Ziangahtile Nupi pawl ih thil duhmi pawl hi an rualpi kommi ruangah, asilole thil an hmuh mi pawl ruangah a dang ringring ṭheu ruangah simfiang ngaingai a harzet 😁. Asinan, Nupi duhmi tampi sung ihsin an duh cuangmi (5) te kan vawn lo hlom hai ding cucu Pa pawl hrangah theih ṭulmi a si ih "Nupi" pawl hrangah lungawinak a si.

1. Zokhal porh kan duh ṭheh nan Nupi pawl in porh le lom an duh cuang.
2. Ihkhun lawngah duh hliaphliap si loin rualpi lak le khawtlang khalah "Pa" pawl ih duhdawtnak le ngaihsaknak langter an duh cuang.
3. Hiar caan pohih buan rupri men si loin ṭongkam te thawn romantic tak i thok ding le duhdawtnak thawn nupi sinak hman tlang an duh cuang.
4. Keimah kan nuam tak ah ti men si loin "Nupi" na remcang maw? Ziangvek in na duh? tivek tete sut ih an duhnak diriamter an duh cuang.
5. Ihkhum ah ih zik lawngih pom si loin, man caan te khalah an "Pasal" pawl ih duhdawt zet ih pom an duh cuang.